Կիեւի մետրոյում ոստիկանությունը նռնակներ տեղափոխող տղամարդու է ձերբակալել
17:44, 24 Սեպտեմբեր 2016
ԵՐԵՎԱՆ, 24 ՍԵՊՏԵՄԲԵՐԻ,ԱՐՄԵՆՊՐԵՍ: Ուկրաինայի ոստիկանները Կիեւի մետրոյի կայարանում բերման են ենթարկել նռնակներով զինված տղամարդու: Այս մասին սեպտեմբերի 24-ին հաղորդել է ոստիկանությունը: Ինչպես հաղորդում է «Արմենպրես»-ը` վկայակոչելով «Լենտա ռու»-ն, բերման ենթարկվածը ծառայում էր Ուկրաինայի զինված ուժերում: «Մետրոյի «Վոկզալնայա» կայարանի աշխատակիցը բերման է ենթարկել 46 տարեկան տղամարդու, ում պայուսակում հայտնաբերվել են նռնակները.,-ասել են մամլո ծառայությունից:
Բերման ենթարկված տղամարդն ասել է, որ պայմանագրային զինծառայող է եւ ներգրավված է Դոմբասի ռազմական գործողություններում, իսկ Կիեւ ժամանել է բուժման նպատակով: Հարուցվել է քրեական գործ:
Բաժանորդագրվեք մեր ալիքին Telegram-ում