19 մարդու սպանած ճապոնացին հայտարարել Է, թե «փրկել Է ծանր հիվանդներին»
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Սատոսի Ուեմացուն, որը Ճապոնիայի Սագամիհարա քաղաքում հաշմանդամների տանն սպանել Է 19 եւ վիրավորել 26 մարդու, քննչական մարմիններին հայտնել Է, թե «փրկել Է բազմաթիվ հիվանդություններով տառապող ծանր հիվանդներին» եւ չի զղջում արածի համար, տեղեկացնում Է «Արմենպրես»-ը:
Այն ավտոմեքենայում, որով հուլիսի 27-ի առավոտյան Ուեմացուին տարել են դատախազություն, նա կենսուրախ ժպտացել Է լրագրողներին՝ չցուցաբերելով զղջում կամ շփոթմունք:
Գշերը հետաքննության ժամանակ Ուեմացուն հայտարարել Է, որ «ցանկացել Է փրկել բազաթիվ խնդիրներ ունեցող ծանր հիվանդներին» եւ «ո՛չ զղջում, ո՛չ Էլ ափսոսանք» չի զգում: Միեւնույն ժամանակ նա ասել Է, որ «կցանկանար ամբողջ սրտով ներողություն խնդրել սպանվածների ընտանիքներից այն բանի համար, որ նրանց հրաժեշտը դարձրել Է հանկարծակի»:
Հուլիսի լույս 26-ի գիշերը 26-ամյա Սատոսի Ուեմացուն ներթափանցել Է հաշմանդամների տուն, դանակով սպանել 19 մարդու, վիրավորել 26-ին: Դրանից հետո նա եկել Է ոստիկանության բաժանմունք եւ խոստովանել հանցագործությունը, հաղորդել Է ՌԻԱ Նովոստին:
Լուսանկարը`AFP
Բաժանորդագրվեք մեր ալիքին Telegram-ում