Ժամանակը Երևանում՝ 11:07:36,   4 Դեկտեմբեր

Հայոց ցեղասպանության մասին պատմող «Խոստում» ֆիլմը մեծ էկրաններին կհայտնվի այս տարվա դեկտեմբերին

 Հայոց ցեղասպանության մասին պատմող «Խոստում» ֆիլմը մեծ էկրաններին կհայտնվի այս 
տարվա դեկտեմբերին

ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Երջանկահիշատակ ամերիկահայ բարերար Քըրք Քըրքորյանի նախաձեռնությամբ Հայոց ցեղասպանության մասին պատմող «Խոստում»  ֆիլմը մեծ էկրաններին կհայտնվի այս տարվա դեկտեմբերի սկզբին: Ինչպես հաղորդում է «Արմենպրես»-ը, այս մասին հայտնում է Asbarez-ը` վկայակոչելով իր աղբյուրները:

Օսկարակիր  ռեժիսոր Թերի Ջորջի հեղինակած ֆիլմում հանրահայտ օսկարակիր  դերասան Քրիստիան Բեյլը կմարմնավորի սիրահարված ու միևնույն ժամանակ  Առաջին աշխարհամարտի ճակատում հայտնված  երիտասարդ Քրիսին, իսկ «Ոսկե գլոբուս»-ի հաղթող Օսկար Այզեքը կմարմնավորի նույն կնոջը սիրահարված, բայց հին աշխարհի ավանդույթներին բախվող Միքայելին:

«Խոստում» ֆիլմում նկարահանվում են նաև այնպիսի դերասաններ, ինչպիսիք են  Շառլոտ լը Բոնը, Ջեյմս Քրոմվելը, Ժան Ռենոն, Շորե Ագդաշլուն և Անժելա Սարաֆյանը:

Նկարահանումների ավարտին Survival Pictures կինոստուդիայի համաղեկավար և պրոդյուսեր Էրիկ Եսրաիլյանը Asbarez-ին գրած նամակում ասել է. «Քըրքորյանը հպարտ կլիներ, դա առանց այդ էլ ծանր աշխատանքն ավելի հատուկ է դարձնում»:






https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ