368.15
Ռ. Մելքոնյան. «Թուրքիան ձախողեց «զրո խնդիր հարեւանների հետ» քաղաքականությունը»
1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ:Թուրքիայի անդամակցությունը Եվրամիությանն առաջիկա մեկ տարվա ընթացքում հավանական չէ: Ինչպես այսօր' Հայ-թուրքական արձանագրությունների ստորագրման երկամյակի օրը, լրագրողների հետ հանդիպման ժամանակ ասաց թուրքագետ Ռուբեն Մելքոնյանը, հնարավոր է ժամանակ գա, որ Թուրքիան ինքը հրաժարվի Եվրամիության անդամ դառնալու գաղափարից:
Թուրքագետի խոսքով' ԱՄՆ-ն, Ռուսաստանն ու Եվրամիությունը ճանաչեցին Թուրքիային որպես ոչ կառուցողական գործընկեր: «Ձախողվեց Թուրքիայի հռչակած «զրո խնդիր հարեւանների հետ» քաղաքականությունը»,- նշեց բանախոսը' հավելելով, որ արձանագրություններն ու պատմական հանձնաժողովի ստեղծման մասին առաջարկը հակառակ արձագանքն ունեցան Թուրքիայում' ճեղքվածք առաջացնելով թուրքական պաշտոնական պատմագրության մեջ: Ըստ նրա' հայտնվեց թուրք պատմաբանների մի խումբ, որոնք այլ տեսակետ ունեն Հայոց ցեղասպանության մասին:
Ռ. Մելքոնյանը նշեց նաեւ, որ հակառակ ի սկզբանե ցուցաբերած պատրաստակամության, Թուրքիային արձանագրությունները ձեռնտու չէին: «Եթե արձանագրություններն այդքան «լավը» լինեին այդ երկրի համար, ապա այն արդեն ընդունած կլիներ դրանք»,- Ռ. Մելքոնյանը:
Բաժանորդագրվեք մեր ալիքին Telegram-ում