Ղազախստանի ընտրանու մարզչի ժամանակավոր պաշտոնակատարը Հայաստանի դեմ խաղում շանսերը հավասար է գնահատում
1 րոպեի ընթերցում
![Ղազախստանի ընտրանու մարզչի ժամանակավոր պաշտոնակատարը Հայաստանի դեմ խաղում շանսերը հավասար է գնահատում](http://armenpress.am/resized/480/static/news/b/2024/06/1138952.jpg)
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ղազախստանի ֆուտբոլի ազգային թիմի մարզիչի ժամանակավոր պաշտոնակատարՌուսլանԲալտիևի կարծիքով՝ Հայաստանի դեմ ընկերական խաղում երկու թիմերը հավասար հնարավորություններ ունեն:
«Նայելով Հայաստանի հավաքականի հանդիպումները` կարող եմ ասել, որ հետաքրքիր թիմ ունեք, տեխնիկապես գրագետ ֆուտբոլիստներ կան: Հայկական թիմն արագ և ժամանակակից ֆուտբոլ է ցուցադրում»,- «Արմենպրես»-ի հաղորդմամբ` լրագրողների հետ զրույցում ասաց Բալտիևը:
Վերջինիս խոսքով` Հայաստանի հավաքականի դեմ հունիսի 7-ին կայանալիք ընկերական խաղում երկու թիմերն էլ հավասար շանսեր ունեն, սակայն Հայաստանի հավաքականը խաղում է սեփական հարկի տակ, ինչը կարող է առավելություն լինել թիմի համար:
Հայաստանի ֆուտբոլի ազգային թիմը հունիսի 7-ին Վազգեն Սարգսյանի անվան Հանրապետական մարզադաշտում ընկերական հանդիպում կանցկացնի Ղազախստանի ընտրանու հետ: Խաղը կմեկնարկի Երևանի ժամանակով 20:00-ին: