Հրաձգության հավաքականի անդամները կմասնակցեն աշխարհի գավաթին

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Հայաստանի հրաձգության հավաքականի անդամները կմասնակցեն աշխարհի գավաթի խաղարկությանը:

«Արմենպրես»-ի հաղորդմամբ` այս մասին հայտնում է Հայաստանի հրաձգության ֆեդերացիան:

Գերմանիայի Մյունխեն քաղաքում մայիսի 31-ից հունիսի 8-ը կկայանա աշխարհի գավաթի խաղարկության հերթական փուլը։ Մրցաշարը հատկանշական է նրանով, որ մարզիկները կարող են վարկանիշային միավորներ հավաքել միջազգային ֆեդերացիայում։

Հայաստանի հրաձգության հավաքական թիմից մրցմանը կմասնակցեն Բենիկ Խլղաթյանը և Էլմիրա Կարապետյանը։Մարզիկները մրցավայր կմեկնեն հավաքականի գլխավոր մարզիչ Սեյրան Նիկողոսյանի գլխավորությամբ։