Երևանում՝ 11:07,   28 Մայիս 2024

Լեհաստանը հասել է ԵՄ-ի կողմից զիջումների՝ սահմանափակելու գյուղմթերքի ներմուծումն Ուկրաինայից

Լեհաստանը հասել է ԵՄ-ի կողմից զիջումների՝ սահմանափակելու գյուղմթերքի 
ներմուծումն Ուկրաինայից

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Եվրահանձնաժողովն այս շաբաթ փոփոխություններ կներկայացնի ԵՄ առևտրային օրենսդրության մեջ․ դրանք Ուկրաինային սահմանակից երկրներին թույլ կտան սահմանափակումներ մտցնել այնտեղից գյուղատնտեսական արտադրանքի ներմուծման համար, եթե դրանք սպառնում են Լեհաստանում և մյուս հարևան երկրներում գների նվազմանը։

«Արմենպրես»-ի փոխանցմամբ` այդ մասին Financial Times պարբերականին տված հարցազրույցում հայտնել է առևտրի հարցերով եվրահանձնակատար Վալդիս Դոմբրովսկիսը։

«Մենք կմտածենք, թե ինչպես կարելի է լրացուցիչ երաշխիքներ տրամադրել Լեհաստանին և ԵՄ այլ պետությունների, և դա անելու միջոցներից մեկը երաշխիքների սահմանումն է կոնկրետ երկրների համար», - ասել է նա:

Պաշտոնյան հավելել է, որ Եվրահանձնաժողովի առաջարկները կհրապարակվեն այս շաբաթ և, ամենայն հավանականությամբ, «կներառեն Ուկրաինայից գյուղատնտեսական արտադրանքի անմաքս ներմուծման հետևանքներից առանձին երկրների պաշտպանության միջոցներ»:

2022 թ․ հունիսին ԵՄ-ն Ուկրաինային տվել է իր շուկա ապրանքների անմաքս ներմուծման հնարավորություն․ Ռուսաստանի ծավալած ռազմական գործողությունների հետևանքով գյուղատնտեսական ապրանքները Սև ծովով արտահանելու՝ Ուկրաինայի հնարավորությունները սահմանափակվել էին։ Սա մեծ դժգոհություն է առաջացրել Լեհաստանում և Ուկրաինայի մյուս հարևան երկրներում, որոնք նշում են, որ այս միջոցառումներից տուժում են տեղացի ֆերմերները։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am