Երևանում՝ 11:07,   16 Ապրիլ 2024

Իրանը հայտարարել է 19 ահաբեկիչներից բաղկացած բջիջը վերացնելու մասին

Իրանը հայտարարել է 19 ահաբեկիչներից բաղկացած բջիջը վերացնելու մասին

ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի իշխանությունները երկրի հարավ-արևելյան Սիստան և Բելուջիստանի նահանգում ահաբեկչական բջիջ են ոչնչացրել։ Ըստ նահանգի հետախուզության վարչության և Իսլամական հեղափոխության պահապանների կորպուսի (ԻՀՊԿ) հետախուզական կազմակերպության համատեղ հայտարարության՝ ձերբակալվել է 19 զինյալ։ Այդ մասին «Արմենպրես»-ը տեղեկանում է ՏԱՍՍ գործակալությունից:

«Օտարերկրյա լրտեսական ծառայությունները փորձում են ապակայունացնել իրադրությունը երկրում։ Հանցավոր խմբավորման ձերբակալված զինյալները կատարել են բազմաթիվ ահաբեկչական հարձակումներ, փորձել են թշնամություն սերմանել էթնիկ և կրոնական հողի վրա: Վերջին ամիսներին նրանց հաջողվել է տեղեկատվական տեխնոլոգիաների մասնագետների ներգրավել իրենց հանցավոր գործունեության մեջ՝ նախապատրաստելու էթնիկ և կրոնական առաջնորդների սպանություններ, հրահրելու անկարգություններ, հարձակումներ իրականացնելու բանակի և իրավապահ մարմինների օբյեկտների վրա», - նշված է հայտարարությունում:

Խոսքը վերաբերում է «Իրանցի ժողովրդի մոջահեդների կազմակերպություն» խմբավորմանը։ 1980-ականներին այն զինված պայքար է ղեկավարել Իսլամական Հանրապետության ղեկավարության դեմ։ Ավելի ուշ ​​խմբավորումը հաստատվել է Ֆրանսիայում և ԱՄՆ-ում, գործել է Իրաքի տարածքից Սադամ Հուսեյնի կառավարման օրոք (1979-2003 թթ.) և օգտագործվել Իրանի դեմ պատերազմում։ Կազմակերպությունն ահաբեկչական է ճանաչվել ոչ միայն Իրանում, այլև Արևմուտքում, սակայն ավելի ուշ ԱՄՆ-ն և Մեծ Բրիտանիան այն հանել են իրենց սև ցուցակներից։ Խմբավորումը բացահայտորեն իր գործունեության նպատակ է հայտարարում Իրանի ներկայիս ղեկավարության տապալումը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]