368.12
Դանակահարություն Պորտուգալիայի մուսուլմանական կենտրոններից մեկում. կա 2 զոհ
1 րոպեի ընթերցում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Պորտուգալիայի մայրաքաղաք Լիսաբոնի իսմայիլական կենտրոնում երկու մարդ է զոհվել դանակահարության հետևանքով: Այս մասին հաղորդում է «Արմենպրես»-ը՝ վկայակոչելով BBC-ին:
Նշվում է, որ չարագործն ազգությամբ աֆղան է, նրա ձեռքին եղել է մեծ դանակ: Ըստ տեղի լրատվամիջոցների՝ իրավապահները կրակել են նրա վրա և վիրավորել, այնուհետև ձերբակալել: Նրա գործողությունների շարժառիթը հայտնի չէ:
Իսմայիլիզմը շիա իսլամի ճյուղերից մեկն է:
Պորտուգալիայի վարչապետ Անտոնիո Կոստան հայտարարել է, որ տեղի ունեցածն, ըստ երևույթին, «առանձին դեպք է», և դեռ վաղ է քննարկել կասկածյալի հնարավոր շարժաթիռները:
Դեպքի վայրում աշխատում է ոստիկանությունը:
Բաժանորդագրվեք մեր ալիքին Telegram-ում