Հայաստանում միջպետական և հանրապետական նշանակության բոլոր ավտոճանապարհները բաց են
11:26, 4 Դեկտեմբեր 2022
ԵՐԵՎԱՆ, 4 ԴԵԿՏԵՄԲԵՐԻ,ԱՐՄԵՆՊՐԵՍ։«Ճանապարհային դեպարտամենտ» հիմնադրամը տեղեկացնում է, որ դեկտեմբերի 4-ին՝ ժամը 10։00-ի դրությամբ, Աշոցքի, Ամասիայի տարածաշրջաններում ձյուն է տեղում։
Մարտունիի տարածաշրջանի ավտոճանապարհներին տեղ-տեղ մերկասառույց է։ Մեղրիի լեռնանցքում և Ստեփանավանի ոլորաններում մառախուղ է, տեսանելիությունը՝ 40-50 մետր: Միջպետական և հանրապետական նշանակության բոլոր ավտոճանապարհները բաց են:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել ձմեռային անվադողերով:
Բաժանորդագրվեք մեր ալիքին Telegram-ում