388.78
«իԳործ» ծրագրի երկրորդ փուլի մասնակիցների 70 տոկոսը հայրենադարձվել է. 50 մասնագետ ստացավ վկայական
3 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ կառավարությունում սփյուռքահայ մասնագետների«իԳործ» 2021ծրագրի հանդիսավոր փակման արարարողության շրջանակում50մասնագետ ստացավ վկայականներ:
«Արմենպրես»-ի հաղորդմամբ՝ միջոցառմանը ներկա էին ՀՀ սփյուռքի գործերի գլխավոր հանձնակատար Զարեհ Սինանյանը,փոխնախարարներ,ծրագրի մասնակիցները,ովքեր1տարի առաջտարբերերկրներից Հայաստան են ժամանել և աշխատելպետական կառույցներում:
Զարեհ Սինանյանը շնորհակալություն հայտնեց մասնակիցներին իրենց ոլորտներում նվիրված աշխատանքի համար:
«իԳործ» 2021-ի շրջանակներում ծրագրեր իրականացվեցին առողջապահության, կրթության, մշակույթի, սոցիալական աշխատանքի, տարածքային կառավարման, էկոնոմիկայի և ներդրումների բնագավառներում: Մեր բոլոր մասնակիցներն իրենց ոլորտներում հիանալի մասնագետներ են: Մասնակիցների մեծ մասը՝ մոտ 70 տոկոսը, հայրենադարձվելու որոշում են կայացրել, մի մասը կմնա պետական համակարգում, իսկ մյուսը՝ աշխատանքի կանցնի մասնավոր ոլորտներում»,- ասաց նա:
Սինանյանը նշեց, որ ծրագրի մասնակիցները, գործունեություն են ծավալել պետական համակարգում ըստ պետական օղակների կողմից ներկայացված մասնագիտական կարիքների և հնարավորություն են ունեցել ներդնել սեփական փորձն ու գիտելիքները համապատասխան ոլորտների բարելավման և զարգացման,քաղաքականության ու ծրագրերի մշակման գործում:
«Մենք մասնակիցներին ընտրել ենք հատուկ չափորոշիչներով՝ անձը պետք է ունենար մագիստրոսի կամ ավելի բարձր աստիճան,պատրաստ լիներ մեկ տարի բնակվել և աշխատել Հայաստանում»,-ասաց Սինանյանը։
ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանն ընդգծեց, որ այն մասնագիտական և մարդկային ռեսուրսը, որը ծրագիրը տալիս է՝ Հայաստանը դրա կարիքը շատ ունի: «իԳործ» ծրագիրը նաև փորձի փոխանակման և նոր մշակույթի ներդրման լավ հնարավորություն է:
Ռուսաստանում ծնված և երկար տարիներ ապրած Վահան Մկրտչյանը «Արմենպրես»-ի հետ զրույցում հայտնեց,որ այս ծրագիրը ամենալավ միջոցն էր վերադառնալ հայրենիք: «Ես ծրագրի միջոցով աշխատում էի Երևանի քաղաքապետարանում: Այն ինձ տվեց մեծ շրջապատ, կապեր, ընկերներ և թույլ տվեց հասկանալ, թե Հայաստանի կառավարությունն այսօր ինչպես է աշխատում»,-ասաց Վահան Մկրտչյանը:
