Սփյուռք

Քարդիֆում և Լոնդոնում կայացել են Կոմիտասի ծննդյան 155-ամյակին նվիրված համերգ-ցուցահանդեսներ

5 րոպեի ընթերցում

Քարդիֆում և Լոնդոնում կայացել են Կոմիտասի ծննդյան 155-ամյակին նվիրված համերգ-ցուցահանդեսներ

ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: «Քլինգեն երգչախումբը և մշակութային ասոցիացիան (KCCA)՝ Միացյալ Թագավորությունում Հայաստանի դեսպանատան և Ուելսի Հայ համայնքային կենտրոնի հովանու ներքո հունիսի 8-ին, Ուելսի մայրաքաղաք Քարդիֆի Սուրբ Գերման եկեղեցում առաջին անգամ ներկայացրել է լայնածավալ համերգ-ցուցահանդես՝ նվիրված Կոմիտասի ծննդյան 155-ամյակին: Միջոցառման հեղինակն ու ղեկավարն է եղել KCCA-ի գեղարվեստական ղեկավար և դիրիժոր Սիփան Օլահը։

04.JPG (1.17 MB)

Ինչպես «Արմենպրես»-ին տեղեկացրին KCCA-ից, երաժիշտները և հանդիսատեսների մի խումբ Լոնդոնից այցելել են Ուելսի Քարդիֆ քաղաքի Խաղաղության տաճարի այգի, ծաղիկներ խոնարհել և հարգանքի տուրք մատուցել Քարդիֆում գտնվող Հայոց ցեղասպանության զոհերի հիշատակի հուշակոթողի մոտ:

Ուելսի Հայ համայնքային կենտրոնի (ACCW) հիմնադիր Ջոն Թորոսյանը ներկայացրել է հիշատակի խաչքարը կանգնեցնելու պատմությունը, որը նրա նախաձեռնությամբ տեղադրվել է Խաղաղության տաճարի պարտեզում 2007 թվականին՝ ի հիշատակ 1915 թվականի Հայոց ցեղասպանության անմեղ զոհերի։

06.JPG (1.51 MB)

«Անուհետև Լոնդոնից ժամանած այցելուների խումբը զբոսնեց քաղաքի կենտրոնում՝ այցելելով Քարդիֆի ամրոցը, Ուելսի Թագավորական երաժշտական ակադեմիան և մի շարք այլ պատմամշակութային վայրեր:

Սուրբ Գերմանի եկեղեցու սրահում տեղի ունեցավ ընդունելություն-հյուրասիրություն և ցուցահանդես, որին հաջորդեց համերգ պատմական Սուրբ Գերման եկեղեցում:

Ցուցահանդեսում ներկայացված էին 18-ից 19-րդ դարի Օսմանյան կայսրության տարածքում հայ ոսկերիչների ձեռքով պատրաստված արծաթյա զարդեր, արվեստի յուրահատուկ նմուշներ։ Առանձնակի հետաքրքրություն էր ներկայացնում Կոմիտասի ձեռագրերի, ձայնագրությունների և գրքերի, նոտաների ու խազերի բացառիկ ցուցահանդեսը։ Կարճ դասախոսությամբ հանդես եկավ ցուցահանդեսի կազմակերպիչ, նկարչուհի Մարիամ Թորոսյանը՝ որը բնակվում և ստեղծագործում է Քարդիֆում։

29.JPG (1.59 MB)

Միջազգային ճանաչում ունեցող երաժիշտներ Սիփան Օլահը ՝ դիրիժոր/տենոր/դաշնամուր, համերգի ղեկավար, Եվգենյա Տերենտիևան՝ դաշնամուր, Հայարփի Եղիկյանը՝ սոպրանո, Նարինե Մալխասյանը՝ սոպրանո, Էլվիրա Մարգարյանը՝ սոպրանո, Հելեն Ռոթշելը՝ մեցցո-սոպրանո, Հակոբ Ջեք Մուրադյանը – հոբոյ, հանդես եկան սոլո կատարումներով։ Համերգին իրենց մասնակցությունը բերեցին նաև Քլինգեն երգչախմբը և վոկալ անսամբլը։ Եվս մեկ հիանալի նախաձեռնություն իրականություն դարձավ՝ հայ երաժշտական ժառանգության մեծագույն գիտակի, նրա անմահության մաքրագործված և հղկված պատառիկները փրկողի, պարզապես հանճարեղ կոմպոզիտորի՝ Կոմիտասի անմահ երաժշտական ​​ժառանգությունը մեկ համերգում ներկայացնելու։

Մեծ Բրիտանիայում ՀՀ դեսպան Վարուժան Ներսեսյանը ելույթ ունեցավ Կոմիտասի և նրա թողած թանկագին մշակութային ժառանգության մասին։ Նա կարևորեց Ուելսի հասարակության և հայ ժողովրդի միջև ամուր կապը, համագործակցությունն ու բարեկամությունը։ Նա նաև շնորհակալություն հայտնեց Քլինգեն Երգչախմբին և Մշակութային ասոցիացիային՝ գլխավորությամբ մաեստրո Սիփան Օլահի և Ուելսի Հայ համայնքային կենտրոնի՝ մեծն Կոմիտասի երաժշտության պրոֆեսիոնալ ներկայացման և ավելի քան 22 ստեղծագործությունների կատարումների համար։

02 London.jpg (1.13 MB)

Ուելսի Հայ Համայնքային Կենտրոնի (ACCW) հիմնադիր Ջոն Թորոսյանը հոբելյանական այս բացառիկ միջոցառման համար հատուկ Կոմիտասի անվան շքանշան-մեդալներ հանձնեց մաեստրո Սիփան Օլահին և Նորին Գերազանցություն դեսպան Վարուժան Ներսեսյանին։ Ջոն Թորոսյանը շնորհակալություն հայտնեց KCCA-ին հայ երաժշտությունն ու արվեստը Մեծ Բրիտանիայում և ամբողջ աշխարհում ներկայացնելու և հանրահռչակելու շարունակական և նվիրված աշխատանքի համար։

Ուրախ ենք նշել, որ միջոցառման հյուրեր էին Սթիվեն Թոմասը, Հայր Նիկոլասը և լեյբորիստ պատգամավոր Սթիվեն Դաութին, ինչպես նաև հայ և ուելսցի երաժշտասեր հանդիսատեսը»,- ասվում է հաղորդագրության մեջ:

03.JPG (1.44 MB)

Ըստ աղբյուրի՝ միջոցառումները փայլուն հնարավորություն էին առաջին անգամ ականատես լինելու Ուելսում Կոմիտասին նվիրված մեծամասշտաբ համերգ-ցուցահանդեսի ։

Նշվում է, որ մայիսի 18-ին Կոմիտասին նվիրված նույն համերգ-ցուցահանդես տեղի է ունեցել Լոնդոնի Սուրբ Սարգիս հայկական եկեղեցում, որը KCCA-ի հերթական անմոռանալի միջոցառումներից էր՝ համագործակցությամբ Միացյալ Թագավորությունում Հայաստանի դեսպանության և Սուրբ Սարգիս եկեղեցու։

Սովորել հայերեն՝ ակադեմիկոսից դառնալով աշակերտ. սփյուռքահայ ուսուցչուհի Լուսինե Ազատյանը ներկայացնում է Մինսկի Հայորդաց կրթօջախի ձեռքբերումները

Սփյուռք

Սովորել հայերեն՝ ակադեմիկոսից դառնալով աշակերտ. սփյուռքահայ ուսուցչուհի Լուսինե Ազատյանը ներկայացնում է Մինսկի Հայորդաց կրթօջախի ձեռքբերումները

Ձգտում եմ, որ հայ-չեխական բարեկամությունն ավելի խորանա և սերտ կապերի համար ստեղծվեն ավելի լայն հնարավորություններ. Դիանա Խոջայան

Սփյուռք

Ձգտում եմ, որ հայ-չեխական բարեկամությունն ավելի խորանա և սերտ կապերի համար ստեղծվեն ավելի լայն հնարավորություններ. Դիանա Խոջայան

Վաղարշակ Հարությունյանը հանդիպել է Բելգորոդի հայկական համայնքի ներկայացուցիչների հետ

Քաղաքականություն

Վաղարշակ Հարությունյանը հանդիպել է Բելգորոդի հայկական համայնքի ներկայացուցիչների հետ

Մեկնարկել են Դիարբեքիքրի Սբ Սարգիս եկեղեցու վերականգնողական աշխատանանքերը

Սփյուռք

Մեկնարկել են Դիարբեքիքրի Սբ Սարգիս եկեղեցու վերականգնողական աշխատանանքերը

Հնդկահայ գաղթօջախի պատմության խոսուն վկաները հայկական եկեղեցիներն են. Զաքարիա սարկավագը պատմել է հայ համայնքի առօրյայի մասին

Սփյուռք

Հնդկահայ գաղթօջախի պատմության խոսուն վկաները հայկական եկեղեցիներն են. Զաքարիա սարկավագը պատմել է հայ համայնքի առօրյայի մասին

«Ներուժ» ծրագրի մասնակցության դիմումների ընդունման ժամկետները երկարաձգվել են

Սփյուռք

«Ներուժ» ծրագրի մասնակցության դիմումների ընդունման ժամկետները երկարաձգվել են

«Սփյուռքի երիտասարդ դեսպան» ծրագիրը մեծապես կարևորվել է նաև հնդկահայ համայնքի կողմից

Սփյուռք

«Սփյուռքի երիտասարդ դեսպան» ծրագիրը մեծապես կարևորվել է նաև հնդկահայ համայնքի կողմից

Հայաստանում տեղի են ունենում  խորքային փոփոխություններ. ՀՀ վարչապետն ընդունել է «իԳործ» ծրագրի մասնակիցներին

Սփյուռք

Հայաստանում տեղի են ունենում խորքային փոփոխություններ. ՀՀ վարչապետն ընդունել է «իԳործ» ծրագրի մասնակիցներին

Ուրուգվայում ՀՀ դեսպանությունը մասնակցել է Մոնտեվիդեոյի Զբոսաշրջության միջազգային տոնավաճառին

Սփյուռք

Ուրուգվայում ՀՀ դեսպանությունը մասնակցել է Մոնտեվիդեոյի Զբոսաշրջության միջազգային տոնավաճառին

Լիա Բաբայանի գիրքը կարևոր ներդրում է ունեցել ԱՄՆ-ի կողմից Հայոց ցեղասպանության ճանաչման գործում․ հարցազրույց հեղինակի հետ

Սփյուռք

Լիա Բաբայանի գիրքը կարևոր ներդրում է ունեցել ԱՄՆ-ի կողմից Հայոց ցեղասպանության ճանաչման գործում․ հարցազրույց հեղինակի հետ

Արամ Ա կաթողիկոսը Հռոմի Պապի հետ քննարկել է եկեղեցական կյանքի, Լիբանանի, ԼՂ հայության և հայ գերիների վերադարձի հարցեր

Սփյուռք

Արամ Ա կաթողիկոսը Հռոմի Պապի հետ քննարկել է եկեղեցական կյանքի, Լիբանանի, ԼՂ հայության և հայ գերիների վերադարձի հարցեր

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում