ԱՄՆ պետքարտուղարի օգնականի տեղակալ Կառա ՄաքԴոնալդը կժամանի Հայաստան

ԵՐԵՎԱՆ, 8 ՀՈՒՆԻՍԻ« ԱՐՄԵՆՊՐԵՍ: Ժողովրդավարության, մարդու իրավունքների և աշխատանքի հարցերով ԱՄՆ փոխպետքարտուղարի օգնականի տեղակալ Կառա ՄաքԴոնալդը հունիսի 8-ից 9-ը կլինի Հայաստանում:

Ինչպես «Արմենպրես»-ին հայտնեցին ՀՀ-ում ԱՄՆ դեսպանատնից, այցի շրջանակներում ԱՄՆ պետքարտուղարի տեղակալը հանդիպումներ կունենա պաշտոնատար անձանց և ժողովրդավարության, ազատ խոսքի ու մարդու իրավունքների պաշտպանությամբ զբաղվող անձանց հետ։

«Միացյալ Նահանգները հանձնառու է աշխատել Հայաստանի հետ երկկողմ փոխգործակցության ամրապնդման շուրջ, որի հիմքում մեր ընդհանուր արժեքներն են, այդ թվում՝ հարգանքը մարդու իրավունքների ու հիմնարար ազատությունների նկատմամբ»,- ասված է դեսպանատան տարածած հաղորդագրության մեջ։