391.81
Վահան Քերոբյանն առաջիկայում կլինի ՌԴ-ում՝ քննարկելու կերային կուլտուրաների խնդիրը
1 րոպեի ընթերցում
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: ՀՀ էկոնոմիկայի նախարար Վահան Քերոբյանը տեղյակ է Հայաստանում կերային կուլտուրաների խնդրից: «Արմենպրես»-ի հաղորդմամբ՝ նա կառավարության նիստին հաջորդած ճեպազրույցում տեղեկացրեց, որ առաջիկայում մեկնելու է ՌԴ, որտեղ փորձելու է առարկայական լուծումներ գտնել:
«Այդ խնդիրը կա և այն մեզ ևս շատ անհանգստացնում է: Ինչպես գիտեք մեր կերային կուլտուրաները ներմուծվում են հիմնականում Ռուսաստանից: Այս պահին խնդրին միջանկյալ լուծումներ տրված են, սակայն մյուս շաբաթ մեկնելու եմ ՌԴ, որտեղ խնդրին առարկայական լուծումներ կտանք, այնպես կանենք, որ այդ մասով հարցեր չլինեն»,- ասաց Վահան Քերոբյանն՝ անդրադառնալով լրագրողների բարձրացրած այն խնդրին, որ թռչնաբույծները, կերի պակասով պայմանավորված, ստիպված կրճատում են թռչունների գլխաքանակը:
Նախարարն ընդգծեց, որ այսօր գլխավոր խնդիրը պարենային անվտանգությունն է: Նա կոչ անում գյուղացիներին, որ որքան հնարավոր է ավելի շատ հող մշակել: Նախարարը վստահեցրեց, որ գյուղացիների արտադրանքը լավ գնով կվաճառվի, որովհետև միջազգային շուկայում առկա է դեֆիցիտ:
Բաժանորդագրվեք մեր ալիքին Telegram-ում