396.58
Վարչապետը գոհացուցիչ չի համարում կորոնավիրուսի դեմ պատվաստումների տեմպի ներկա մակարդակը
1 րոպեի ընթերցում
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանը գոհացուցիչ չի համարում կորոնավիրուսի դեմ պատվաստումների տեմպի ներկա մակարդակը։ Ինչպես տեղեկացնում է «Արմենպրես»-ը, մարտի 17-ի Կառավարության նիստում ՀՀ վարչապետը նշեց, որ անհրաժեշտ է լիարժեք պատվաստվել՝ հանուն հանրային առողջության։
Նիկոլ Փաշինյանը հիշեցրեց, որ արդեն Կառավարության երրորդ նիստն է, որն առանց դիմակների են անցկացնում։
«Դա կախված է նրա հետ, որ կորոնավիրուսային հիվանդության վիճակն այսօր Հայաստանում բավականին բարվոք է, դեռ երեք շաբաթ առաջ նկատել էինք նոր դեպքերի անկման միտումը ու կանխատեսել էինք, որ նվազող թվեր ենք ունենալու», - ասաց նա:
Փաշինյանը, սակայն, շեշտեց՝ եթե պատվաստման գործընթացը պատշաճ ձևով չկազմակերպեն, ինչ-որ պահի ստիպված կվերադառնան դիմակների պարտադիր կրման ռեժիմի:
«Եթե, Աստված մի արասցե, ավելի վատ ընթացք լինի, ավելի խիստ ռեժիմների կանցնենք, այնպես որ իմ կոչը, խնդրանքն է, որ պատվաստումները պատշաճ ձևով շարունակվեն, այն մակարդակը, որ կա, գոհացուցիչ չէ», - ասաց Փաշինյանը:
Բաժանորդագրվեք մեր ալիքին Telegram-ում