Սպորտ

Ստեղծվել է Երևանում կայանալիք բռնցքամարտի ԵԱ անցկացման աշխատանքները համակարգող հանձնաժողով 

2 րոպեի ընթերցում

Ստեղծվել է Երևանում կայանալիք բռնցքամարտի ԵԱ անցկացման աշխատանքները համակարգող հանձնաժողով 

ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի որոշմամբ՝ բռնցքամարտի Եվրոպայի առաջնության անցկացման աշխատանքները համակարգելու նպատակով ստեղծվել է միջգերատեսչական հանձնաժողով և հաստատվել դրա անհատական կազմը:

«Արմենպրես»-ի հաղորդմամբ` հանձնաժողովի նախագահ է նշանակվել ՀՀ վարչապետի աշխատակազմի ղեկավար Արայիկ Հարությունյանը: Հանձնաժողովի կազմում ընդգրկվել են ՀՀ ԿԳՄՍ նախարարի տեղակալ Կարեն Գիլոյանը, Երևանի փոխքաղաքապետ Գայանե Մելքոմ Մելքոմյանը, ՀՀ ԱԱԾ տնօրենի տեղակալ Տիգրան Հարությունյանը, ՀՀ առողջապահության նախարարության հանրային առողջության բաժնի գլխավոր մասնագետ Քրիստինե Գալստյանը, ՀՀ ԱԳՆ հյուպատոսության վարչության պետ Արտակ Ավետիսյանը, ՀՀ էկոնոմիկայի նախարարի խորհրդական Ալֆրեդ Քոչարյանը, ՀՀ ոստիկանության հասարակական անվտանգության ապահովման գլխավոր վարչության պետի տեղակալ, հասարակական կարգի ապահովման վարչության պետ, ոստիկանության գնդապետ Էդգար Պետրոսյանը, Հայաստանի բռնցքամարտի ֆեդերացիայի գլխավոր քարտուղար Սահակ Գագինյանը, Կ․Դեմիրճյանի անվան մարզահամերգային համալիրի տնօրեն Կարեն Ղազարյանը, Սփյուռքի գործերի գլխավոր հանձնակատարի գրասենյակի ղեկավարի տեղակալ Երեմ Սիմոնյանը, ՎԱ ղեկավարի օգնականներ Հովհաննես Պողոսյանը և Սուրեն Հովհաննիսյանը, Քաղաքացիական ավիացիայի կոմիտեի ավիացիոն անվտանգության վարչության պետի տեղակալ Զաքար Հարությունյանը, Հայաստանի ազգային օլիմպիական կոմիտեի բաժնի պետ Գագիկ Բոլշիկյանը։

Բռնցքամարտի Եվրոպայի առաջնությունը տեղի կունենա Երևանում 2022 թվականի մայիսի 21-31-ը:

AREMNPRESS

Հայաստան, Երևան, 0001, Աբովյան 9

+374 10 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում