391.59
Լիլիթ Մակունցն ԱՄՆ սենատի անդամին տեղեկացրել է Ադրբեջանի ԶՈՒ-ի սանձազերծած ագրեսիայի մասին
1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ում ՀՀ դեսպան Լիլիթ Մակունցը նոյեմբերի 16-ին հեռավար զրույց է ունեցել ԱՄՆ սենատի անդամ Քրիս Վան Հոլենի հետ:
«Արմենպրես»-ի հաղորդմամբ, ԱՄՆ-ում ՀՀ դեսպանությունը տեղեկացնում է, որ դեսպան Մակունցը սենատորին տեղեկացրել է Ադրբեջանի զինված ուժերի կողմից սանձազերծված ագրեսիայի և Հայաստանի Հանրապետության ինքնիշխան տարածք ներխուժման մասին։
Դեսպան Մակունցը կարևորել է միջազգային հանրության կողմից ադրբեջանական սադրիչ գործողությունների դատապարտումը։
Սենատոր Վան Հոլենը մտահոգություն է հայտնել ստեղծված իրավիճակի կապակցությամբ և ընդգծել, որ նշյալ խնդիրը կներկայացնի Սենատի գործընկերների ուշադրությանը:
Բաժանորդագրվեք մեր ալիքին Telegram-ում