ՀՀ ԶՈՒ-ում պատվաստումների ցուցանիշներն էապես բարձր են, քան քաղաքացիական բնակչության շրջանում. ՊՆ

ԵՐԵՎԱՆ, 19ՀՈԿՏԵՄԲԵՐԻ,ԱՐՄԵՆՊՐԵՍ: ՀՀ Զինված ուժերում պատվաստումների ցուցանիշներն էապես բարձր են, քան քաղաքացիական բնակչության շրջանում։ «Արմենպրես»-ի փոխանցմամբ՝ այս մասին գրառում է կատարվել ՀՀ ՊՆ-ի ֆեյսբուքի էջում:

«Ի պատասխան սոցիալական ցանցերի որոշ օգտատերերի կողմից հնչեցված մտահոգությանը, թե զինված ուժերում սեզոնային գրիպի մեծ տարածում է նկատվում, և, բացի դրանից, զինծառայողները չեն պատվաստվում COVID-19-ի դեմ, հայտնում ենք, որ անհանգստության որևէ պատճառ չկա. սեզոնային գրիպի կամ սուր շնչառական հիվանդությունների թվաքանակի աճի միտում չի արձանագրվել, իսկ պատվաստումները ոչ միայն իրականացվում են, այլև դրա ցուցանիշները էապես բարձր են, քան քաղաքացիական բնակչության շրջանում»,- նշված է ՊՆ տարածած հաղորդագրության մեջ: