Պատմության հետագծով 

ԵՐԵՎԱՆ, 8 ՀՈԿՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ:1897 թ. հոկտեմբերի 8-ին ծնվել է Ռուբեն Մամուլյանը՝ ամերիկահայ ռեժիսոր, համարվում է 20-րդ դարի աշխարհի խոշորագույն թատերական եւ կինոռեժիսորներից մեկը։ Նա է առաջին անգամ օգտագործել երկու խոսափողով ձայնագրումը եւ մոնտաժը մեկ ձայներիզի վրա։ Նա է առաջինը նկարահանել ստուդիայից դուրս, շարժվող տեսախցիկով` օգտագործելով միաժամանակ մի քանի տեսախցիկ։

-1957 թ. հոկտեմբերի 8-ին ծնվել է Լալա Մնացականյանը՝ հայ դերասանուհի:

-451 թ. հոկտեմբերի 8-ին սկսվեց Քաղկեդոնի ժողովը։

-1558 թ. հոկտեմբերի 8-ին ծնվել է Հենրիխ Շյուցը՝ գերմանացի երգահան, երաժշտական մանկավարժ (մահ.՝ 1672 թ.)։

-1754 թ. հոկտեմբերի 8-ին մահացել է Հենրի Ֆիլդինգը՝ անգլիացի գրող, դրամատուրգ (ծնվ.՝ 1707 թ.)։

-1871 թ. հոկտեմբերի 8-ին ԱՄՆ-ի Չիկագո քաղաքում մեծ հրդեհ սկսվեց։

-1912 թ. հոկտեմբերի 8-ին սկսվեց առաջին Բալկանյան պատերազմը։

-2003 թ. հոկտեմբերի 8-ին մահացել է Գեւորգ Աբաջյանը՝ հայ թատերագետ, գրականագետ, բանասիրական գիտությունների թեկնածու (ծնվ.՝ 1920 թ.)։

-2005 թ. հոկտեմբերի 8-ին Քաշմիրում տեղի ունեցավ մեծ երկրաշարժ, որի հետեւանքով զոհվեց մոտ 84 000 մարդ։

-2011 թ. հոկտեմբերի 8-ին մահացել է Ժիրայր Ավետիսյանը՝ հայ նշանավոր կինոռեժիսոր, ՀՀ արվեստի վաստակավոր գործիչ, պրոֆեսոր (ծնվ.՝ 1927 թ.)։

Հիշարժան փաստեր

-Դելֆինները մեկ աչքը բաց են քնում:

-Կովի կաթից ալերգիա ունեցող մարդկանց թիվն աշխարհում ավելի մեծ է, քան մյուս բոլոր սննդամթերքներից ունեցողներինը:

-Ի տարբերություն արեգակնային համակարգի մյուս 7 մոլորակների, Երկիր մոլորակը միակն է, որի անվանումը կապ չունի ինչ-որ աստվածության հետ:

-Մաստակն ունի 9000 տարվա պատմություն:

-Թրթուրը 4 քիթ ունի:

-Միջին հաշվով մարդն օրվա մեջ ծիծաղում է մոտ 10 անգամ:

-Ջայլամի աչքն ավելի մեծ է, քան ուղեղը:

-20 երեխայից միայն մեկն է ծնվում բժշկի կողմից կանխորոշված օրը:

Ա. Հ.