Հասարակական

Նորաբաց համայնքն ասֆալտապատվում է, տեղադրվում են լուսավորության LED համակարգեր

1 րոպեի ընթերցում

Նորաբաց համայնքն ասֆալտապատվում է, տեղադրվում են  լուսավորության LED համակարգեր

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Նորաբաց համայնքում 2021 թ.-ին սկսվել են լայնածավալ ասֆալտապատման աշխատանքներ: Կառավարության սուբվենցիոն ծրագրով հիմնանորոգվում է 1 կմ, 80 մ երկարությամբ ճանապարհահատված, որով փաստացի ավարտվում է համայնքի կենտրոնական փողոցների ասֆալտապատումն ու անցում է արվելու երկրորդական ճանապարհներին:

«Արմենպրես»-ի փոխանցմամբ՝ այս մասին տեղեկացնում են Նորաբացի համայնքապետարանից՝ մանրամասնելով, որ ավարտին է մոտենում նաև լուսադիոդային (LED) լամպերով փողոցային լուսավորության տեղադրումը, ինչը հնարավորություն կընձեռի էներգախնայող համակարգի միջոցով ավելացնել գիշերային լուսավորության ժամերը:

Համայնքի հաջորդ խոշոր ծրագրերն են. երկրորդային փողոցների ասֆալտապատումն ու ոռոգման համակարգի արդիականացումը: Նախատեսված է նաև սպորտային խոշոր համալիրի կառուցում՝ համայնքի երիտասարդների առողջ ապրելակերպը խթանելու նպատակով:

Նորաբաց համայնքն ընդգրկված է համայնքների խոշորացման կառավարական ծրագրում. նախատեսված է նրա միավորումը Մասիս քաղաքի հետ:

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում