Ժամանակը Երևանում՝ 11:07:36,   18 Հոկտեմբեր

Հանրապետության հրապարակում մեկնարկեց Անկախության օրվան նվիրված գլխավոր միջոցառումը

Հանրապետության հրապարակում մեկնարկեց Անկախության օրվան նվիրված գլխավոր 
միջոցառումը

ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի Հանրապետության հրապարակում մեկնարկեց Անկախության օրվան նվիրված գլխավոր միջոցառումը։ Ինչպես տեղեկացնում է «Արմենպրես»-ը, միջոցառմանը մասնակցում են ՀՀ վարչապետ Նիկոլ Փաշինյանը, նախարարներ, պատգամավորներ, ՀՀ-ում հավատարմագրված օտարերկրյա դիվանագետներ, բարձրաստիճան այլ պաշտոնյաներ: Միջոցառման մեկնարկին հնչեց Հայաստանի Հանրապետության պետական օրհներգը։ Նախատեսվում է ՀՀ վարչապետ Նիկոլ Փաշինյանի շնորհավորական ուղերձը Անկախության 30-րդ տարեդարձի առթիվ։

Միջոցառմանը համերգային ծրագրով հանդես կգա Հայաստանի պետական սիմֆոնիկ նվագախումբը և Հայաստանի պետական կամերային երգչախումբը։

Լուսանկարները՝ Գևորգ Պերկուպերկյանի, Հայկ Մանուկյանի

Ավելի վաղ, բարձրաստիճան պաշտոնյաները ՀՀ վարչապետ Նիկոլ Փաշինյանի գլխավորությամբ այցելեցին «Եռաբլուր» զինվորական պանթեոն և հարգանքի տուրք մատուցեցին Արցախյան 44-օրյա և քառօրյա պատերազմների հերոսների հիշատակին։ Իսկ ,ավելի ուշ, ՀՀ նախագահի նստավայրում տեղի ունեցավ պաշտպանության, անվտանգության, իրավապահ, մշակույթի, կրթության, արվեստի, սպորտի և այլ ոլորտների ներկայացուցիչների պարգևատրման արարողությունը։ Այդ միջոցառումներին զուգահեռ ՀՀ ուժային կառույցների ստորաբաժանումների քայլերթեր իրականացրին մայրաքաղաքի տարբեր փողոցներում։

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]