Երևանում՝ 11:07,   20 Ապրիլ 2024

Հանրապետության մարզերում ավելի քան 11 հազար քաղաքացու սոցիալական վիճակը կբարելավվի

Հանրապետության մարզերում ավելի քան 11 հազար քաղաքացու սոցիալական վիճակը 
կբարելավվի

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Հանրապետության 5 մարզում ավելի քան 11 հազար քաղաքացու սոցիալական վիճակը կբարելավվի: Աշխատանքներն իրականացնում է «Հայաստանի սոցիալական աշխատողների ասոցիացիա»-ն «Հայաստանում սոցիալական ներառման և ինքնաբավ կենսապահովման միջոցառումների խթանում» դրամաշնորհային ծրագրի շրջանակում: Այն մշակվել է ՀՀ աշխատանքի և սոցիալական հարցերի նախարարության աջակցությամբ և իրականացվում է Համաշխարհային բանկի համակարգման ներքո՝ Ճապոնիայի կառավարության ֆինանսավորմամբ: «Արմենպրես»-ի հաղորդմամբ, «Հայաստանի սոցիալական աշխատողների ասոցիացիա»-ն տեղեկացնում է, որ ծրագրի շրջանակում նախատեսվում է ընտանեկան նպաստի համակարգում գրանցված ընտանիքներին տրամադրել սոցիալական բազմաբնույթ ծառայություններ,  հզորացնել նրանց հետ աշխատող սոցիալական ծառայությունների աշխատակիցների կարողությունները։ Նախատեսվում է սոցիալական դեպքի վարման համակարգի զարգացման և տեղայնացման, ինչպես նաև ձեռներեցության խթանման միջոցով բարելավել ավելի քան 11 հազար  քաղաքացու սոցիալական վիճակը ՀՀ հինգ մարզերում՝ Արարատ, Արմավիր, Կոտայք, Լոռի և Շիրակ։ Ծրագրի ընթացքում կընտրվեն շահառու ընտանիքներ, որոնց համար հնարավորություն կստեղծվի ինքնուրույն հաղթահարել եկամտի աղբյուր ունենալուն խոչընդոտող խնդիրները և զարգացնել սեփական ձեռնարկատիրական հմտությունները։ Ծրագրով՝ շահառուներից կընտրվի 300 ընտանիք, որոնց կտրամադրվի 4 հազար ԱՄՆ դոլարին համարժեք դրամաշնորհ։

 «Ծրագրի կարևոր առանձնահատկությունը նրա երկու հիմնական բաղադրիչներով նախատեսված սոցիալական աշխատանքի և ձեռնարկատիրական նախաձեռնությունների խթանման համադրումն է, որը ապահովելու է նոր որակ, նոր մոտեցումներ և արդյունքում շահառու անձանց կյանքում արձանագրվելու է էական դրական փոփոխություններ»,- նշել է «Հայաստանում սոցիալական ներառման և ինքնաբավ կենսապահովման միջոցառումների խթանում»  ծրագրի ղեկավար Ռուբեն Մարկոսյանը:

Ծրագրի արդյունքում Միասնական սոցիալական ծառայության տարածքային կենտրոնների և համայնքային 200 սոցիալական աշխատողներ հնարավորություն կունենան յուրացնելու և զարգացնելու սոցիալական դեպքի վարման մասին գիտելիքներն ու գործնական հմտությունները։ Մասնավորապես, սոցիալական աշխատողները կզարգացնեն դեպքի հետ անհատական աշխատանքի, կարիքահեն մոտեցումներով գործելու հմտությունները՝ այդպիսով բարձրացնելով շահառուներին մատուցվող ծառայությունների արդյունավետությունը։ Ըստ այդմ, սոցիալական պաշտպանության համակարգում կներդրվի այնպիսի մոտեցում, որը ենթադրում է համալիր և բազմակողմանի արձագանք խնդրահարույց իրավիճակներին՝ կանխարգելելով և հաղթահարելով մարդկանց իրավիճակի խոցելիությունը։

 «Միասնական սոցիալական ծառայության աշխատակիցների հետ միասին փորձելու ենք գտնել իրենց կյանքը փոխելու կամք ունեցող մարդկանց, որոնք պատրաստ են սեփական աշխատանքով հոգալու իրենց ընտանիքի հոգսերը»,- Հայաստանի սոցիալական աշխատողների ասոցիացիայի նախագահ Միրա Անտոնյանը:

Ծրագրի շրջանակում վերջին մեկ ամսվա ընթացքում թիրախային մարզերում կազմակերպվել են  իրազեկման հանդիպումներ մարզերի պատկան մարմինների,  Միասնական սոցիալական ծառայությունների տարածքային կենտրոնների ղեկավարների ու ներկայացուցիչների մասնակցությամբ։ Նշված հանդիպումների ընթացքում ներկայացվել են ծրագրի նպատակը, խնդիրները, նախատեսվող միջոցառումները,շահառուների ներգրավման մեխանիզմները։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]