1000х90.jpg (78 KB)

Երևանում՝ 11:07,   29 Մարտ 2024

Կիրառվելու է խափանման միջոցի նոր տեսակ՝ տնային կալանք. ԱԺ-ն ընդունեց քրեական դատավարության օրենսգիրքը

Կիրառվելու է խափանման միջոցի նոր տեսակ՝ տնային կալանք. ԱԺ-ն ընդունեց 
քրեական դատավարության օրենսգիրքը

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: ՀՀ ազգային ժողովը երկրորդ ընթերցմամբ և ամբողջությամբ ընդունեց ՀՀ քրեական դատավարության օրենսգիրք և կից ներկայացված օրենքների նախագծերի փաթեթը, որով, ի թիվս այլ փոփոխությունների, նաև նախատեսվում են խափանման միջոցների այնպիսի նոր տեսակներ, ինչպիսին են տնային կալանքը և վարչական հսկողությունը: «Արմենպրես»-ի հաղորդմամբ՝ Հայաստանի Հանրապետության քրեական դատավարության օրենսգիրքը և կից ներկայացված օրենքների նախագծերի փաթեթն ԱԺ նիստում ներկայացրեց ՀՀ արդարադատության նախարարի տեղակալ Արմեն Հովհաննիսյանը:

«Նախագծով նախատեսվում է վերացնել քրեական գործի հարուցման փուլը, այն ներառել նախաքննության՝ որպես մինչդատական վարույթի իրականացման միակ ձևի բովանդակության մեջ:  Նախատեսվում է վերացնել հետաքննությունը՝ որպես վարույթի ինքնուրույն փուլ:  Նախագծով հստակեցվել են հարկադրանքի միջոցների՝ ներառյալ ձերբակալման, կալանքի կիրառման նպատակները, հիմքերը և ընթացակարգերը»,-ասաց փոխնախարարը:

Վերանայվել են ձերբակալման տեսակները, որպես ձերբակալման առանձին տեսակ նախատեսվել է ազատության մեջ գտնվող մեղադրյալին դատարան ներկայացնելու համար ձերբակալումը: Հնարավորինս ընդլայնվել է խափանման միջոցների շրջանակը:

«Նախատեսվել են խափանման միջոցների այնպիսի նոր տեսակներ, ինչպիսին են տնային կալանքը և վարչական հսկողությունը: Հնարավորինս հստակեցվել են խափանման միջոցների կիրառման պայմանները և ընթացակարգերը՝ կալանքը որպես խափանման միջոց կիրառելու չհիմնավորված դեպքերը բացառելու համար»,-ասաց փոխնախարարը:

Նախատեսվել է նաև մեղադրյալի բացակայությամբ հեռակա վարույթի ինստիտուտը:

Նախագիծը երկրորդ ընթերցմամբ ընդունվեց՝ ստանալով 75 կողմ ձայն:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]