1000х90.jpg (78 KB)

Երևանում՝ 11:07,   29 Մարտ 2024

ԼՀԿ-ն ՀԱՊԿ-ից ակնկալում է աներկբա հայտարարություններ ու գործողություններ

ԼՀԿ-ն ՀԱՊԿ-ից ակնկալում է աներկբա հայտարարություններ ու գործողություններ

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: ՀՀ ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը ՀԱՊԿ-ից ակնկալում է աներկբա հայտարարություններ ու գործողություններ: «Արմենպրես»-ի հաղորդմամբ՝ Մարուքյանն այս մասին ասաց ԱԺ-ում լրագրողների հետ զրույցում:

Անդրադառնալով հարցին, թե արդյոք ՀԱՊԿ-ից եկող արձագանքները բավարարել են ԼՀԿ-ին՝ նա ասաց. «Բնականաբար ոչ, մենք ակնկալում ենք, որ ՀԱՊԿ-ն անի աներկբա հայտարարություններ ու գործողություններ»:

ԼՀԿ-ն ակնկալում է, որ ադրբեջանական զորքը Հայաստանի տարածքից դուրս հանվի՝ առանց նոր էսկալացիաների՝ խաղաղ բանակցությունների ճանապարհով: «Լուսավոր Հայաստան»-ի պահանջը հետևյալն է՝ առանց նոր պատերազմ հրահրելու այդ զինուժը դուրս բերել ՀՀ սուվերեն տարածքից: Ասել եմ ու պնդում եմ՝ ճիշտ է բանակցային ֆորմատը, բանակցելով, հստակ միջազգային ճնշում ձևակերպելով՝ այդ զորքին այնտեղից դուրս հանել»,-ասաց Մարուքյանը:

ԼՀԿ-ին ՀԱՊԿ-ի արձագանքը չի բավարարում մինչև այն պահը, քանի դեռ ադրբեջանական զինվորականները ՀՀ տարածքում են:

Մայիսի 12-ից Ադրբեջանի զինված ուժերի զինծառայողների որոշ խմբեր հատել են Հայաստանի պետական սահմանը և Սև լիճը պարփակելուն ուղղված գործողություններ են արել: Հայաստանի զինված ուժերը մարտավարական բնույթի հակագործողություններ են  իրականացրել: Հարակից որոշ տարածքներում դիրքավորված ադրբեջանցիները հայկական զինուժի մարտավարական հակագործողությունների արդյունքում հեռացել են զբաղեցրած բնագծերից: Ադրբեջանական զինուժի ներկայացուցիչները շարունակում են գտնվել ՀՀ պետական սահմաններից ներս՝ Սյունիքի և Գեղարքունիքի մարզերի որոշ հատվածներում: Հայաստանը դիմել է ՀԱՊԿ-ն երկրորդ հոդվածով՝ համաձայն որի «մեկ կամ մի քանի մասնակից պետությունների անվտանգությանը, տարածքային ամբողջականությանը և ինքնիշխանությանը սպառնացող վտանգի կամ միջազգային խաղաղությանն ու անվտանգությանը սպառնացող վտանգի դեպքում մասնակից պետություններն անմիջապես կակտիվացնեն համատեղ խորհրդակցությունների մեխանիզմը, իրենց դիրքորոշումները համակարգելու և ծագած սպառնալիքը վերացնելու նպատակով միջոցներ ձեռնարկելու համար»:  ՀՀ վարչապետի պաշտոնակատար Նիկոլ Փաշինյանը մայիսի 14-ին հայտնել էր, որ նամակով դիմել է ՌԴ նախագահ Վլադիմիր Պուտինին, որպեսզի Ռուսաստանը նաև ռազմական օգնություն ցուցաբերի Հայաստանին՝ 1997թ-ի Բարեկամության, համագործակցության և փոխօգնության մասին պայմանագրի համաձայն:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]