ՏՄՊՊՀ-ն կաթնամթերքի շուկայում գնաճ չի նկատում. գերատեսչությունը մշտապես մոնթորինգ է իրականացնում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Կաթնամթերքի շուկայում ներկայում գնի էական բարձրացում չի նկատվում, ինչպես նաև ոլորտում գերիշխող ընկերություն չկա:
«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ տնտեսական մրցակցության պետական պաշտպանության հանձնաժողովի նախագահ Գեղամ Գևորգյանը:
«Կաթնամթերքի շուկայում մշտադիտարկման մոնիթորինգ ենք իրականացնում, այնտեղ գնի էական բարձրացում այս պահին չկա: Կաթնամթերք արտադրողների քանակը բավականաչափ է, այսինքն՝ կենտրոնացվածության շեմը նվազ է, և այստեղ տեղի է ունենում իրական մրցակցություն: Կան տասնյակ ընկերություններ, և չկա մեկը, որը գերիշխող լինի շուկայում»,- նշեց Գևորգյանը:
Նրա խոսքով՝ կաթնամթերքի դաշտը մրցակցային է, և գները ձևավորվում են մրցակցության սկզբունքով՝ շուկայի կանոններին համապատասխան:
Բաժանորդագրվեք մեր ալիքին Telegram-ում