Պատմության հետագծով  

ԵՐԵՎԱՆ, 12 ՄԱՐՏԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1229 թ. մարտի 12-ին խաչակիրները գրավում են Երուսաղեմը:

-1519 թ. մարտի 12-ին իսպանացի կոնկիստադոր Էռնան Կորտեսը իր խմբով մտնում է ներկա Մեքսիկայի տարածք:

-1913 թ. մարտի 12-ին Ավստրալիայի մայրաքաղաքը դառնում է Կանբերան։

-1922 թ. մարտի 12-ին Հայաստանը, Վրաստանը եւ Ադրբեջանը կազմավորեցին Անդրկովկասի Խորհրդային Սոցիալիստական Ֆեդերատիվ Հանրապետությունը։

-1938 թ. մարտի 12-ին ծնվել է Վլադիմիր Մսրյանը՝ թատրոնի եւ կինոյի հայ դերասան, ՀՀ ժողովրդական արտիստ (մահ. 2010 թ.)։

-1942 թ. մարտի 12-ին ծնվել է Ռատկո Մլադիչը՝ Սերբական Հանրապետության բանակի հրամանատարը 1992-1995 թթ. բոսնիական պատերազմի ժամանակ։

-1968 թ. մարտի 12-ին Մավրիկիոսը ձեռք բերեց անկախություն, իսկ 1992 թ. նույն օրը դարձավ հանրապետություն։

-1974 թ. մարտի 12-ին «Մարս-6» խորհրդային տիեզերական կայանը իջավ Մարս մոլորակի վրա՝ առաջին անգամ Երկիր հաղորդելով այդ մոլորակի ընդերքի եւ մթնոլորտի վերաբերյալ տեղեկություններ։

Հիշարժան փաստեր եւ պատմություններ

-Միջին փեթակում, որում ապրում են մի քանի հազար մեղուներ, տարեկան կարող են հավաքել 20-45 կգ մեղր՝ կախված տեղանքից, եղանակից եւ այլ գործոններից:

-100 գրամ մեղր հավաքելու համար մեղուն պետք է թռչի մոտ 46 հազար կիլոմետր, ինչը գերազանցում է երկրի հասարակածի երկարությունը:

-Մարդու օրգանիզմի կողմից մեղրը յուրացվում է գրեթե 100 տոկոսով:

-Թունավոր ծաղիկներից հավաքված փոշուց պատրաստված մեղրը նույնպես թունավոր է՝ կախված ծաղկի թունավորության աստիճանից:

-Ջերմային մշակման արդյունքում մեղրում քայքայվում են օգտակար նյութերը, այդ պատճառով էլ խորհուրդ չի տրվում այն խառնել թեյի կամ եռացրած ջրի հետ:

-Մեղրի բաղադրության մեջ մտնում են ավելի քան 300 տարբեր սննդանյութեր: Իսկ սննդային արժեքով այն երկու անգամ ցածր է ընկույզից, բայց գրեթե երկու անգամ գերազանցում է մսին:

-Հին Հունաստանում կարծում էին, որ մեղրը նպաստում է երկարակեցությանը: Ավելին, հին հույները հավատում էին, որ աստվածները անմահ են հենց այն պատճառով, որ նրանք հատուկ մեղր են ուտում:

-Մեղրը հզոր բնական պահպանող միջոց է: Դեռեւս հին ժամանակներում միսը երկար պահելու նպատակով պատում էին մեղրով: Այն նաեւ հատուկ քսուքի բաղադրիչներից էր, որն օգտագործվում էր հին եգիպտական մումիաները պատելու համար: Ալեքսանդր Մակեդոնացու մարմինը, որը մահացավ ռազմական արշավներից մեկում, եւս պատեցին մեղրով, որպեսզի չքայքայվի, եւ կարողանան հասցնել տուն:

Մ. Ա.