391.07
Ֆիզուլու շրջանում հայտնաբերվել է 5 զինծառայողի աճյուն
1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ:Մարտական գործողությունների վայրերում որոնողական աշխատանքների արդյունքում հայտնաբերվել է 5 զոհված զինծառայողի աճյուն: Այս մասին«Արմենպրես»-ին տեղեկացրեց Արցախի արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը:
«Հունվարի 22-ին Ֆիզուլու շրջանում որոնողական աշխատանքների արդյունքում 5 զինծառայողի աճյուն ենք գտել: Մարմինները պետք է ենթարկվեն դատաբժշկական փորձաքննության` ինքնությունները պարզելու համար»,- ասաց Թադևոսյանը:
Ընդհանուր առմամբ՝ առայսօր որոնողական աշխատանքների արդյունքում հայտնաբերվել է 1256 զոհված զինծառայողի և քաղաքացիական անձանց աճյուններ:
«Այսօր որոնողական շարունակվում են Ֆիզուլու և Քաշաթաղի շրջաններում, Թալիշ-Մատաղիս ուղղություններում»,- ասաց Թադևոսյանը:
Բաժանորդագրվեք մեր ալիքին Telegram-ում