Շտապօգնության ծառայությունն անցյալ տարի ստացել է COVID 19-ին վերաբերող 15 420 կանչ

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Շտապօգնության ծառայությունը 2020 թվականին ստացել է COVID 19-ին վերաբերող 15 420 կանչ:

«Արմենպրես»-ի հաղորդմամբ՝ այս մասին լրագրողների հետ զրույցում ասաց «Շտապօգնություն ՓԲԸ տնօրեն Թագուհի Ստեփանյանը:

«Նախորդ տարի սպասարկել ենք 15 հազար 420 կանչ: Առավելագույնն եղել է մայիս ամսին՝ 2 580 կանչ, իսկ նվազագույնն ունեցել ենք օգոստոսին՝ 864 կանչ»,– նշեց Ստեփանյանը: