Ժամանակը Երևանում՝ 11:07:36,   17 Մայիս

Գտնվում ենք հետցնցումային իրավիճակում, ամեն ինչ պետք է անենք իրավիճակը կայունացնելու համար. Փաշինյանը՝ սյունեցիներին

Գտնվում ենք հետցնցումային իրավիճակում, ամեն ինչ պետք է անենք իրավիճակը 
կայունացնելու համար. Փաշինյանը՝ սյունեցիներին

ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը Սյունիք կատարած այցի ժամանակ առաջինը կանգ է առել մարզի Սառնակունք գյուղում:

«Արմենպրես»-ի հաղորդմամբ՝ քաղաքացիներից մեկի՝ GPS-ով սահմանազատման աշխատանքների վերաբերյալ հարցին ի պատասխան Փաշինյանն ասաց. «Մի քանի անգամ է արվում՝ ամենատարբեր ձևերով: Ես ձեզ հավաստիացնում եմ, որ այս առումով որևէ խնդիր չկա»:

Վարչապետը հավելեց՝հիմա հետցնցումային իրավիճակների մեջ ենք գտնվում. «Մենք ամեն ինչ պետք է անենք իրավիճակը կայունացնելու համար: Մենք պետք է  ամեն ինչ անենք մեր գերիներին վերադարձնելու, մեր անհետ կորածներին վերադարձնելու համար»,-ասաց վարչապետը:

Փաշինյանը հիշեցրեց թշնամու վերահսկողության տակ անցած տարածքում 70 օր անհայտության մեջ մնացած և նախորդ օրը հայրենիք վերադարձած 6 զինվորի մասին: Նա նշեց՝ չնայած սգո օր է, բայց դա տրամադրություն է փոխել: «Այս սգի մեջ բոլորս մի լուսավոր կետ ենք փնտրում, որ դրա շուրջ մեր լավատեսությունը կառուցենք»,-ասաց նա:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ