Ժամանակը Երևանում՝ 11:07:36,   6 Մայիս

Իրանում կախաղան են բարձրացրել «Ամադ նյուզ» լրատվական պորտալի ղեկավարին

Իրանում կախաղան են բարձրացրել «Ամադ նյուզ» լրատվական պորտալի ղեկավարին

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Իրանի Իսլամական Հանրապետությունում դեկտեմբերի 12-ին մահապատժի է ենթարկվել «Ամադ Նյուզ» լրատվական պորտալի ղեկավար Ռուհոլլա Զամը:

Ինչպես փոխանցում է «Արմենպրես»-ը՝ վկայակոչելով «ՌԻԱ Նովոստի»-ն,  հաղորդվում է, որ մահապատիժն ի կատար է ածվել շաբաթ առավոտյան կախաղանի միջոցով։

Ավելի վաղ այս շաբաթ հայտնի էր դարձել, որ Իրանի իշխանությունները հաստատել են «Ամադ նյուզ»-ի ղեկավարի մահվան դատավճիռը, որն օգնություն է ստացել օտարերկրյա հետախուզություններից:

2019 թվականի հոկտեմբերի կեսերին Իսլամական հեղափոխության պահապանների կորպուսը (ԻՀՊԿ, Իրանի զինված ուժերի մի մասը) հայտնել էր Զամի ձերբակալման մասին: Համաձայն բաց աղբյուրների՝ Զամն ակտիվորեն լուսաբանել է ամբողջ Իրանում 2017-ի դեկտեմբերից մինչև 2018-ի հունվարն իրականացվող բողոքները:

Լրատվական պորտալի ղեկավարը, ինչպես նշել Է IRNA գործակալությունը, ձերբակալվել է «հակահեղափոխական գործունեության» համար: Հաղորդվում էր, որ նրա գործողությունները իբր ուղղորդել է Ֆրանսիայի հետախուզությունը, և նա աջակցություն է ստացել ԱՄՆ-ի և Իսրայելի հետախուզական ծառայությունների կողմից։ «Ասոշիեյթեդ Պրես» գործակալության տվյալներով ՝ Զամն ապրել է Փարիզում, և չի հստակեցվել, թե ինչպես է նա ձերբակալվել և որտեղ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ