Ցուցարարաները խափանել են Կարեն Դեմիրճյանի անվան մետրոպոլիտենի երթևեկությունը
14:30, 8 Դեկտեմբեր 2020
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Քաղաքացիական անհնազանդության ակցիաների հետևանքով կաթվածահար է եղել Կարեն Դեմիրճյանի անվան մետրոպոլիտենի երթևեկությունը: «Արմենպրես»-ի հետ զրույցում այս մասին ասաց Մետրոպոլիտենի մամուլի խոսնակ Տաթև Խաչատրյանը:
«Երևանի մետրոպոլիտենի «Գործարանային» կայարանում մի խումբ քաղաքացիներ իրականացնում են իրենց անհնազանդության ակցիան` խափանելով մետրոպոլիտենի երևեկությունը: Այս պահին մետրոպոլիտենը փակ է: Բնականոն աշխատանքին անցնելուն պես կտրվի լրացուցիչ ինֆորմացիա»,- նշեց Խաչատրյանը:
Բաժանորդագրվեք մեր ալիքին Telegram-ում