Ժամանակը Երևանում՝ 11:07:36,   26 Հունվար

Գեղամ Մանուկյանը և մի խումբ այլ քաղաքացիներ դադարեցրել են հացադուլը

Գեղամ Մանուկյանը և մի խումբ այլ քաղաքացիներ դադարեցրել են հացադուլը

ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Ամենայն Հայոց Կաթողիկոս Գարեգին Բ-ի հորդորով ՀՀ վարչապետի հրաժարականը պահանջող Հայ Յեղափոխական Դաշնակցության անդամ Գեղամ Մանուկյանը և մի խումբ այլ քաղաքացիներ դադարեցրել են հացադուլը: Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է  Մայր Աթոռի տեղեկատվական համակարգի ղեկավար Տեր Վահրամ քահանա Մելիքյանը:

«Ամենայն Հայոց Կաթողիկոսի հորդորով դադարեցվեց մի շարք հայորդիների հացադուլը»,- գրել է Տեր Վահրամ քահանա Մելիքյանը:

ՀՅԴ անդամ Գեղամ Մանուկյանը «Ֆեյսբուք»-ի իր էջում գրել է, որ Վեհափառ Հայրապետին դժվար էր մերժելը։

«Այսօրվանից մեր զինակից ընկերների հետ դադարեցնում ենք հացադուլը, ու շարունակում մեր պայքարը»,- գրել է Մանուկյանը՝ հավելելով, որ հաջորդ քայլերի մասին առաջիկայում կտեղեկացի:

 Հայ Յեղափոխական Դաշնակցության անդամ Գեղամ Մանուկյանն անժամկետ հացադուլ էր հայտարարել ՀՀ վարչապետ Նիկոլ Փաշինյանի հրաժարականի պահանջով:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ