363.89
Ոստիկանությունը բերման է ենթարկել Գագիկ Ծառուկյանի 2 աջակցի
1 րոպեի ընթերցում
ԵՐԵՎԱՆ, 25 ՍԵՊՏԵՄԲԵՐի, ԱՐՄԵՆՊՐԵՍ: Կենտրոն և Նորք նստավայրի ընդհանուր իրավասության դատարանի շենքի դիմացից ոստիկանները բերման են ենթարկել «Բարգավաճ Հայաստան» կուսակցության 2 աջակցի:
«Արմենպրես»-ի փոխանցմամբ՝ Երևանի ոստիկանության հասարակական կարգի ապահովման տեսուչ Լևոն Ղազարյանը լրագրողների հետ զրույցում հայտնեց, որ հավաքի մասնակիցների մեջ եղել են անձինք, ովքեր դիմակ չեն կրել: «Կարանտինի կանոնների համաձայն՝ քաղաքացիները պետք է կրեն դիմակ: Ոստիկանությունը համապատասխան հարկադրանքի միջոցներ ձեռնարկելու համար մոտեցել է նշված քաղաքացիներին, ովքեր չեն ենթարկվել ոստիկանության ծառայողների օրինական պահանջներին: Այդ իսկ պատճառով լրացուցիչ հարկադրանքի միջոցներ են ձեռնարկվել»,- ասաց նա՝ հայտնելով, որ բերման ենթարկված անձինք երկուսն են:
Կենտրոն և Նոր-Նորքի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, քննում է «Բարգավաճ Հայաստան» կուսակցության առաջնորդ Գագիկ Ծառուկյանին կալանավորելու ԱԱԾ միջնորդությունը:Դատարանի շենքի դիմաց հավաք են անցկացնում Գագիկ Ծառուկյանի աջակիցները:
Բաժանորդագրվեք մեր ալիքին Telegram-ում