1000х90.jpg (78 KB)

Երևանում՝ 11:07,   29 Մարտ 2024

Հայերը թալիշներին թշնամի չեն. Թալիշ ակտիվիստը դատապարտել է Ադրբեջանի գործողությունները

Հայերը թալիշներին թշնամի չեն. Թալիշ ակտիվիստը դատապարտել է Ադրբեջանի 
գործողությունները

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Թալիշ ակտիվիստ և լրագրող Զաբիլ Մագերամովը հանդես է եկել Հայաստանի հետ սահմանին Ադրբեջանի գործողություններն ու հակամարտության սրումը դատապարտող հայտարարությամբ: «Արմենպրես»-ի փոխանցմամբ` Մագերամովն Ինֆոտեկա24-ին տված հարցազրույցում նշել է, որ Ալիևների կլանի տոտալիտար ռեժիմը դարձյալ սկսել է ցույց տալ իր իրական դեմքը:

«Այն ձգտում է ժողովրդին ներքաշել պատերազմի մեջ, որը ձեռնտու է միայն իշխող վերնախավին: Ադրբեջանում իշխում է կորոնավիրուսի համավարակը, նավթի համաշխարհային գներն ընկել են, տնտեսությունն անկման մեջ է և նրանք որոշել են ժողովրդի ուշադրությունը շեղել խնդիրներից»,- ասել է նա:

Թալիշ ակտիվիստը նշել է, որ նրանք չեն ընդունի այդպիսի մոտեցումը:

«Հայերը թալիշներին թշնամի չեն: Մենք դատապարտում ենք Ալիևի ագրեսիվ ոտնձգությունները և կոչ ենք անում թալիշներին չմասնակցել գործողություններին, որոնք վնասում են մեր ազգային հետաքրքրություններին և խաղաքարտ են դառնում Բաքվի ռեժիմի ձեռքին: Ժամանակն է հասկանալ, որ հիմա պետք է միավորվել և հանդես գալ, որպես մեկ ճակատ ընդդեմ Ալիևների ու Հայաստանի հետ պատերազմի: Թալիշստանը պետք է ինքը որոշումներ կայացնի` ում հետ պատերազմի, իսկ ում հետ` ոչ: Թալիշները չպետք է զոհվեն Հայաստանի հետ սահմանին, թալիշները պետք է կառուցեն իրենց պետությունը»,- ասել է Մագերամովը:

ՀՀ պաշտպանության նախարարությունը հայտնել էր, որ Ադրբեջանի զինված ուժերի զինծառայողները հուլիսի 12-ին՝ ժամը 12:30-ի սահմաններում, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: «Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել»,- հայտնել էր ՀՀ պաշտպանության նախարարության մամուլի խոսնակ Շուշան Ստեփանյանը՝ հավելելով, որ հայկական կողմից կորուստներ չկան: 

Ավելի ուշ Շուշան Ստեփանյանը տեղեկացրել էր, որ Ադրբեջանական կողմը վերսկսել է հրետակոծել հայկական նույն դիրքի ուղղությամբ, որտեղի ժամեր առաջ փորձել էին ՈՒԱԶ մակնիշի ավտոմեքենայով անցնել հայ-ադրբեջանական սահմանը: «Ադրբեջաբական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը»,- հայտնել էր նա: 

Հուլիսի 13-ի առավոտյան արդեն Շուշան Ստեփանյանը հայտնել էր, որ երկու-երեք ժամվա դադարից հետո հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ Ադրբեջանի սանձազերծած գործողությունների արդյունքում վիրավորվել է հայկական կողմի 3 զինծառայող և երկու ոտիկան, որոնցից որևէ մեկի կյանքին վտանգ չի սպառնում: 

ՊՆ մամուլի խոսնակ Շուշան Ստեփանյանը հայտնել էր, որ հուլիսի 14-ի գիշերը ՀՀ  Զինված ուժերի մարտական դիրքերից դիտարկվել է հակառակորդի տանկի շարժ, որը  հայկական կողմից վարված կրակով կասեցվել է։ Հակառակորդը հուլիսի 13-ից թիրախավորում է բնակավայրերը։ Ադրբեջանական զինված ուժերը 82մմ տրամաչափի ականանետից յոթ և 120մմ տրամաչափի ականանետից 3 արկ են են արձակել Չինարի բնակավայրի ուղղությամբ։ Ադրբեջանը հարվածային ԱԹՍ-ով թիրխավորել է Բերդի քաղաքացիական ենթակառուցվածքները. տուժածներ չկան։  Բերդի ուղղությամբ Ադրբեջանը նաև «Գրադ»-ի երեք հրթիռ է արձակել:

Հուլիսի 14-ին հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից մահացու վիրավորում էին ստացել զինծառայողներ մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը: Ավելի ուշ հակառակորդի արձակած կրակոցից զոհվել են նաև ժամկետային զինծառայողներ, կրտսեր սերժանտ Սմբատ Գևորգի Գաբրիելյանը և կրտսեր սերժանտ Գրիշա Վահանի Մաթևոսյանը:

Հայ-ադրբեջանական պետական սահմանագոտու հյուսիսարևելյան հատվածում հուլիսի 15-ի ժամը 00:15-ից պահպանվում է հարաբերական անդորր։ Գիշերվա ընթացքում հրետանային միջոցներ չեն կիրառվել։  ՀՀ պաշտպանության նախարարության մամուլի խոսնակ Շուշան Ստեփանյանը հայտնել է, որ հուլիսի 14-ից, ժամը 22:20-23:00-ի սահմաններում հայկական ԶՈՒ ստորաբաժանումները խոցել են հակառակորդի երկու հարվածային ԱԹՍ, որոնց բեկորներն ընկել են միջդիրքային տարածքում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]