390.94
Ոստիկանությունն ապօրինի ձկնորսության կասկածանքով բերման է ենթարկել 4 քաղաքացու
1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ոստիկանության Արտաշատի բաժնի ծառայողները ապօրինի ձկնորսությամբ զբաղվելու կասկածանքով Արարատի մարզի Հովտաշեն գյուղից բերման են ենթարկել 4 տղամարդու: «Արմենպրես»-ն այս մասին տեղեկացավ ՀՀ ոստիկանության հասարակայնության հետ կապերի և լրատվության վարչությունից։
Ոստիկանության Արտաշատի բաժնի ՀՈԲ ծառայողները, օպերատիվ տվյալներն իրացնելով, հունվարի 31-ին, ժամը 03։40-ին, ապօրինի ձկնորսությամբ զբաղվելու կասկածանքով, Արարատի մարզի Հովտաշեն գյուղից բերման են ենթարկել 4 տղամարդու՝ իրենց վարած ավտոմեքենաներով, որոնց զննությամբ հայտնաբերվել է մոտ 20 կգ ձուկ, 2 էլեկտրական մարտկոց, 1 էլեկտրահաղորդիչ և 1 փչովի նավակ:
Մեքենաները տեղափոխվել են բաժնի հատուկ պահպանվող տարածք:
Նախապատրաստվում են նյութեր:
Բաժանորդագրվեք մեր ալիքին Telegram-ում