«Մունդիալ-1998». Ֆրանսիայի առաջին և դեռևս միակ հաղթանակն աշխարհի առաջնությունում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Աշխարհի առաջնության մեկնարկից առաջ «Արմենպրես»-ը ձեզ է ներկայացնում ակնարկ առաջնության պատմության մասին, հիշեցնում չմոռացվող հերոսների մասին, պատմում նրանց մասին, ովքեր ֆուտբոլը դարձրել են այնպիսին, ինչպիսին այն գիտենք այսօր:
Ֆրանսիան ընդունեց և պատմության մեջ առաջին և միակ անգամ դարձավ մունդիալի հաղթող
Ֆուտբոլի աշխարհի 1998 թվականի առաջնությունը կայացավ ֆրանսիական 10 քաղաքի 10 մարզադաշտում: Ֆրանսիան պատմության մեջ երկրորդ անգամ ընդունեց աշխարհի առաջնությունը (առաջինը՝1938 թ.): Այս աշխարհի առաջնության եզրափակիչի մասնակիցների թիվը ավելացավ և հասավ 32-ի: Մունդիալի 33 օրվա 64 խաղերի ընթացքում խփվեց 171 գոլ: Առաջնության լավագույն ռմբարկու ճանաչվեց խորվաթ Դավոր Շուկերը, ով հեղինակեց 6 գնդակ: Լավագույն ֆուտբոլիստը բրազիլացի Ռոնալդոն էր: Ֆրանսիական մարզադաշտերում աշխարհի առաջնությանը հետևեց 2 784 687 հանդիսական: ԱԱ-ի բացման և եզրափակիչ խաղերը կայացան Սեն Դենիի «Ստադ դը Ֆրանս» մարզադաշտում։ Խորվաթիան, Ճամայկան, Ճապոնիան և Հարավ Աֆրիկյան հանրապետությունը առաջին անգամ մասնակցեցին եզրափակիչ փուլին։
Եզրափակիչը
Աշխարհի 16-րդ առաջնության եզրափակիչը կայացավ Սեն Դենիի «Ստադ դը Ֆրանս» մարզադաշտում, որին հետևեցին 75.000 հանդիսական: Աշխարհի չեմպիոնի կոչման համար մրցեցին Ֆրանսիայի և Բրազիլիայի հավաքականները: Զիդանի երկու և Պետիտի մեկ գոլի շնորհիվ «կապույտները» առաջին անգամ դարձան աշխարհի չեմպիոններ: Ֆրանսիան առաջին անգամ դարձավ աշխարհի գավաթակիր՝ դառնալով յոթերորդ երկիրը, որը շահեց աշխարհի գավաթը և վեցերորդը, որը առաջնության հաղթող դարձավ տանը (Ուրուգվայից, Իտալիայից, Անգլիայից, Գերմանիայից և Արգենտինայից հետո)։
Փաստեր
Մունդիալին մասնակցեցին 32 երկիր, անգամ՝ մինչ այդ թույլ համարված Իրանը և Ճապոնիան:
Հենց այս առաջնությունից հետո գրվեց հայտնի «Чайф» խմբի «Какая боль, какая боль! Аргентина — Ямайка — 5:0» երգը:
Խորվաթներն առաջին իսկ առաջնության ժամանակ դարձան բրոնզե մեդալակիրներ:
Կազմեց Վարվառա Հայրապետյանը
- Հավատարիմ ենք մեզ միավորող կապերին, որոնք բնորոշվում են «Ապրել միասին
Ֆրանկոֆոնիայում» գաղափարախոսությամբ. ՀՀ վարչապետի ելույթը
- Խորվաթիան պատմության մեջ առաջին անգամ ԱԱ-ի եզրափակչում է. Մունդիալ-2018
- Ֆրանսիան աշխարհի առաջնության եզրափակչում է. Մունդիալ-2018
- Խորվաթիան հետխաղյա 11-մետրանոցներով հաղթեց Ռուսաստանին և դուրս եկավ
կիսաեզրափակիչ. Մունդիալ-2018
- Մունդիալ-2018. ինչ խաղեր կան այսօր