397.35
Մեքսիկայում պողպատի գործարանում տեղի ունեցած պայթյունն առնվազն 12 մարդու կյանք է խլել
1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Մեքսիկայի Տլաքսկալա նահանգի պողպատի գործարանում տեղի ունեցած պայթյունի հետևանքով առնվազն 12 մարդ է զոհվել։
«Արմենպրես»-ի հաղորդմամբ՝ այս մասին հայտնում են նահանգի քաղաքացիական պաշտպանության վարչությունից։
«Քաղաքացիական պաշտպանության գրասենյակը հայտնում է, որ այսօր առավոտյան պայթյուն է տեղի ունեցել SIMEC-ի օբյեկտում, որը գտնվում է Խալոստոկի Մեքսիկա-Վերակրուս դաշնային մայրուղու 123-րդ կիլոմետրում: Ըստ նախնական տվյալների՝ դա հանգեցրել է ձուլարանային աշտարակի անկմանը: Այս պահին հաղորդվում է 12 զոհի և մեկ տուժածի մասին», - նշվում է գերատեսչության հաղորդագրության մեջ։
Հաղորդվում է, որ դեպքի վայրում են գտնվում հրշեջները։
Բաժանորդագրվեք մեր ալիքին Telegram-ում