Էրդողանն ու Պուտինը հեռախոսազրույց են ունեցել
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Հեռախոսազրույցի ընթացքում կողմերը գլխավորապես անդրադարձել են Սիրիայում գրանցված վերջին զարգացումներին: Կողմերը ժնևյան բանակցությունների շարունակության տեսանկյունից կարևորել են համատեղ ջանքերի գործադրումը: Օրակարգում է եղել նաև Իդլիբում քիմիական հարձակման հարցը: Էրդողանն ու Պուտինը կարևորել են Սիրիայում հրադադարի ռեժիմի հաստատումը:
Երկու երկրի ղեկավարները ընդգծել են Թուրքիայի և Ռուսաստանի միջև հարաբերությունների լիարժեք կարգավորման նպատակով ավելի շատ ջանքեր գործադրելու անհրաժեշտությունը:
Բաժանորդագրվեք մեր ալիքին Telegram-ում