365.87
Եվրախորհրդարանի նախագահը մտահոգված է Թուրքիայում իրավունքների սահմանափակումներով
1 րոպեի ընթերցում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Եվրախորհրդարանի նոր նախագահ Անտոնիո Տայանին կոչ է արել Թուրքիային հարգել Եվրամիության կանոնները: Ինչպես հաղորդում է «Արմենպրես»-ը, այս մասին տեղեկացնում է BBC-ի թուրքական ծառայությունը:
Պատասխանելով հարցին, թե արդյոք Թուրքիան կարող է դառնալ Եվրամիության անդամ` Տայանին կարևորել է այդ երկրի դերը մասնավորապես փախստականների հարցի կարգավորման գործում: Այդուհանդերձ, նա մտահոգություն է հայտնել երկրում ազատությունների սահմանափակման առնչությամբ: «Թուրքիայի կողմից վերջին շրջանում արված որոշ նախընտրությունները մեծ անհանգստություն են առաջացնում: Նախ և առաջ անհրաժեշտ է պահպանել լրատվություն ստանալու ազատությունը: Թուրքիան բարեկամական երկիր է, սակայն պետք է հարգանք դրսևորի մեր կանոնների նկատմամբ»,- ասել է նա:
Բաժանորդագրվեք մեր ալիքին Telegram-ում