Մոսկվան եւ Երեւանը քննարկում են Հայկական ԱԷԿ-ին պահուստային միջուկային վառելիքի մատակարարումը
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Մոսկվայում «Ատոմէքսպո-2016» համաժողովի շրջանակներում «Ռոսատոմ»-ի ՏՎԷԼ վառելիքային ընկերության ղեկավարները եւ Հայաստանի ատոմակայանի գլխավոր տնօրեն Մովսես Վարդանյանը քննարկել են Հայկական ԱԷԿ-ը պահուստային միջուկային վառելիքով ապահովելու հնարավորությունը, տեղեկացնում Է «Արմենպրես»-ը:
«Հանդիպման ընթացքում քննարկվել են հետագա համագործակցության հեռանկարները, մասնավորապես, որպես ռեզերվ ռուսական վառելիքի լրացուցիչ մատակարարումների հնարավորությունը»,- ասված է ՏՎԷԼ-ի հաղորդագրության մեջ:
Վարդանյանը նշել է, որ Հայկական ԱԷԿ-ն արդեն շուրջ 40 տարի աշխատում է ռուսական միջուկային վառելիքով, եւ ՏՎԷԼ-ի հետ բազմամյա համագործակցությունը թույլ է տալիս խոսել ռուսական ընկերության՝ որպես հուսալի մատակարարի մասին:
Նա նաեւ ասել է, որ համագործակցության ընթացքում Հայկական ԱԷԿ-ին միջուկային վառելիքի մատակարարման ոչ մի խափանում չի եղել, հաղորդել է ՌԻԱ Նովոստին:
Բաժանորդագրվեք մեր ալիքին Telegram-ում