Շրի Լանկան հեղեղումների պատճառով միջազգային օգնություն է խնդրել
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Շրի Լանկան միջազգային հանրակցության օգնությունն Է խնդրել լայնածավալ հեղեղումներից հետո, որոնք ավելի քան հարյուր մարդու կյանք են խլել եւ վնաս պատճառել երկրին, որի չափը գնահատվում Է 2 մլրդ դոլար, տեղեկացնում Է «Արմենպրես»-ը:
Անցյալ շաբաթ Շրի Լանկայում մոլեգնել Է Ռաունու արեւադարձային փոթորիկը: Երկրի ֆինանսների նախարար Ռավի Կարունանայակեն հայտնել Է, որ հեղեղումների հետեւանքով վնասվել Է 35 հազար տուն:
«Մենք խնդրում ենք հնարավոր առավելագույն աջակցությունը»,-հայտարարել Է նախարարը, հավելելով, թե ինքը հույս ունի, որ վերականգնման ծախսերի 75 տոկոսը կծածկվի օտարերկրյա օգնության հաշվին:
Կարունանայակեի խոսքով, որը մեջբերում Է «Ֆրանսպրես» գործակալությունը, այդ փոթորիկը երկրի համար ամենաավերիչն Էր վերջին 25 տարվա ընթացքում: Ընդ որում ամենաշատը տուժել Է Շրի Լանկայի մայրաքաղաքը՝ Կոլոմբոն:
Մինչդեռ Շրի Լանկան արդեն ստանում Է միջազգային օգնություն: Մայիսի 23-ին հայտնի Է դարձել, որ Գերմանիան երկրին կհատկացնի 1 մլն եվրո, հաղորդել Է ՌԻԱ Նովոստին:
Լուսանկարը` REUTERS
Բաժանորդագրվեք մեր ալիքին Telegram-ում