Առաջնագծում լարվածության հետևանքով ոչ մի բնակավայր չի տուժել

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Ղարաբաղա-ադրբեջանական շփման գծում մայիսի 13-ի երեկոյան և լույս 14-ի գիշերը տեղի ունեցած լարվածության հետևանքով ոչ մի բնակավայր չի տուժել, քանի որ կրակոցները եղել են միայն մարտական դիրքերի ուղղությամբ: Ինչպես տեղեկացնում է «Արմենպրես»-ը, այս մասին ֆեյսբուքյան էջում գրառում է կատարել ԼՂՀ վարչապետի օգնական Արտակ Բեգլարյանը:

«Մարտակերտի շրջանի բնակավայրերում կյանքը բնականոն կերպով շարունակվում է»,- գրել է նա: