Արթուր Միրանյանը փորձաշրջան է անցնում «Ստալ»-ում
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Հայաստանի երիտասարդական հավաքականի հարձակվող Արթուր Միրանյանը փորձաշրջան է անցնում Դնեպրոձերժինսկի «Ստալ»-ում: Ինչպես հաղորդում է «Արմենպրես»-ը` այդ մասին հայտնի է դարձել Sport Arena պորտալին:
Անցած շաբաթ օրը «Ստալ»-ն ընկերական հանդիպում է անցկացրել Ուկրաինայի մինչև 20 տարեկանների հավաքականի հետ. խաղին մասնակցել է նաև Միրանյանը:
20-ամյա հարձակվողը հանդիսանում է Դոնեցկի «Շախտյոր»-ի սան: Նախորդ մրցաշրջանում հարձակվողը ելույթ էր ունենում մակեդոնական «Վարդար»-ում, որի կազմում անցկացրել է 12 խաղ և ճանաչվել այդ երկրի չեմպիոն:
Ավելի վաղ ԶԼՄ-ներին հայտնի էր դարձել նաև, որ հունվարյան տրանսֆերային պատուհանի ժամանակ Միրանյանը փորձաշրջան է անցել Լիսաբոնի «Սպորտինգ»-ի կազմում:
«Ստալ»-ում հանդես են գալիս Հայաստանի ազգային հավաքականի թեկնածուներ` Էդգար և Գոռ Մալաքյանները: Դնեպրոձերժինսկի թիմն Ուկրաինայի ընթացիկ առաջնությունում 19 տուրից հետո 20 միավորով զբաղեցնում է մրցաշարային աղյուսակի 8-րդ հորիզոնականը:
Բաժանորդագրվեք մեր ալիքին Telegram-ում