Իրաքում վերջին մեկ ամսում խոլերայով հիվանդացածների թիվը մոտեցել է հազարի
![Իրաքում վերջին մեկ ամսում խոլերայով հիվանդացածների թիվը մոտեցել է հազարի Իրաքում վերջին մեկ ամսում խոլերայով հիվանդացածների թիվը մոտեցել է հազարի](http://armenpress.am/static/news/b/2015/10/821058.jpg)
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Իրաքում վերջին մեկ ամսում խոլերայով հիվանդացածների թիվը մոտեցել է հազարի: Ինչպես տեղեկացնում է «Արմենպրես»-ը, այս տվյալները հոկտեմբերի 5-ին ներկայացրել է երկրի առողջապահության նախարարությունը:
«Վերջին մեկ օրում Իրաքում գրանցվել է խոլերայով հիվանդանալու 101 դեպք,- այդ կապակցությամբ Իրաքի Հանրապետության առողջապահության նախարարության պլանավորման եւ զարգացման վարչության գլխավոր տնօրեն Հասան Հադի Բաքերի խոսքից մեջբերում է արել Պրես-ՏՎ հեռուստաալիքը:- Այդպիսով, խոլերայով ախտահարվածների ընդհանուր թիվը սեպտեմբերի սկզբից հասել է 979-ի: Մահվան դեպքեր վերջին օրերին չեն գրանցվել»:
Վերջին մեկ օրում առավել մեծ թվով՝ 60, բնակիչներ են հիվանդացել Բաբիլի նահանգում, հաղորդել է ՏԱՍՍ-ը:
Լուսանկարը` AP
Բաժանորդագրվեք մեր ալիքին Telegram-ում