389.25
ԱԺ նախագահն ընդունել է դիվանագիտական առաքելությունը Հայաստանում ավարտող Ուկրաինայի դեսպանին
2 րոպեի ընթերցում
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԺ նախագահ Գալուստ Սահակյանն օգոստոսի 25-ին ընդունել է Հայաստանում Ուկրաինայի արտակարգ եւ լիազոր դեսպան Իվան Կուխտային, ով խորհրդարան էր այցելել դիվանագիտական գործունեության ավարտի կապակցությամբ:Ինչպես «Արմենպրես»-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից, Գալուստ Սահակյանը, դրական գնահատելով դեսպան Կուխտայի դիվանագիտական գործունեությունը Հայաստանում, շնորհակալություն է հայտնել հայ-ուկրաինական հարաբերությունների ամրապնդման եւ արդյունավետ համագործակցության համար:
ԱԺ նախագահը կարեւորել է երկու երկրների խորհրդարանների համագործակցությունը, խորհրդարանական բարեկամական խմբերի արգասաբեր աշխատանքը: Գալուստ Սահակյանը հույս է հայտնել, որ Ուկրաինան կկարողանա լուծել իր առջեւ ծառացած խնդիրները, եւ խաղաղությունը երկրում կվերահաստատվի: Խորհրդարանի ղեկավարը Իվան Կուխտային հաջողություններ է մաղթել հետագա գործունեության մեջ:
Հայաստանում Ուկրաինայի դեսպան Իվան Կուխտան իր երախտագիտությունն է հայտնել խորհրդարանին և նրա ղեկավարին համգործակցության, դեսպանատան նախաձեռնություններին մշտապես աջակցելու համար: Իվան Կուխտան նշել է, որ իր պաշտոնավարման տարիներին եղել են փոխայցեր, արդյունավետ շփումներ երկու երկրների խորհրդարանականների միջեւ: Անդրադառնալով Ուկրաինայի հայկական համայնքին՝ դեսպանն ընդգծել է երկու ժողովուրդների պատմական ընդհանրությունները եւ կարեւորել առաջիկա համագործակցության հեռանկարները:
Բաժանորդագրվեք մեր ալիքին Telegram-ում