Թուրքական օդուժը սկսել է հարվածներ տեղալ երկրում քուրդ զինյալների դիրքերին
11:27, 28 Հուլիս 2015
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Թուրքիայի զինված ուժեր շարունակում են գործողությունները երկրում ահաբեկչական համարվող Քրդական աշխատավորական կուսակցության (PKK) դեմ պայքարում: Հյուիսիային Իրաքում քուրդ զինյալների դիրքերը ռմբակոծելուն զուգահեռ թուրքական օդուժը կրակի տակ է առել Թուրքիայի տարածքում PKK զինյալների հենակետերը: Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:
Դիարբեքիրի և Ինջիրլիքի ռազմաբազաներից օդ բարձրացած թուրքական ռազմական ինքնաթիռները հարվածներ են հասցրել ոչ միայն հյուսիսային Սիրիայում և հյուսիսային Իրաքում քուրդ զինյալների հենակետերին, այլ նաև Հաքքարիի և Շըրնաքի շրջաններում գտնվող PKK-ի դիրքերին:
Բաժանորդագրվեք մեր ալիքին Telegram-ում