ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: «Յոթնյակի» երկրների (Մեծ Բրիտանիայի, Գերմանիայի, Իտալիայի, Կանադայի, ԱՄՆ-ի, Ֆրանսիայի եւ Ճապոնիայի) արտաքին գործերի նախարարությունների ղեկավարների հանդիպումը 2016 թվականի գագաթնաժողովի նախաշեմին տեղի կունենա ապրիլի 10 – 11-ը Հիրոսիմա քաղաքում: Այս մասին հայտարարել Է Ճապոնիայի արտաքին քաղաքական գերատեսչության ղեկավար Ֆումիո Կիսիդան, տեղեկացնում Է «Արմենպրես»-ը:

Գագաթնաժողովն ինքը, ինչպես հուլիսի 5-ին հաղորդել Է Ճապոնիայի վարչապետ Սինձո Աբեն, տեղի կունենա Իսե Սիմա ազգային արգելոցում (Միեի պրեֆեկտուրա): Ավելի ուշ Ճապոնիայի նախարարների կաբինետի գլխավոր քարտուղար Յոսիհիդե Սուգան ճշտել Է, որ միջոցառումը տեղի կունենա եկող տարվա մայիսի 26 – 27-ը, հաղորդել Է ՏԱՍՍ-ը:

Լուսանկարը`AP