Մխիթարյանը ցանկություն է հայտնել ամռանը հեռանալ «Բորուսիա»-ից. գործակալ
10:23, 2 Փետրվար 2015
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի և Դորտմունդի «Բորուսիա»-ի ֆուտբոլիստ Հենրիխ ՄԽիթարյանի գործակալ Մինո Ռայոլան հայտարարել է, որ հայ կիսապաշտպանը ամռանը կարող է հեռանալ Դորտմունդից:
«Հայտնի ֆուտբոլիստները հունվարին այլ ակումբ չեն տեղափոխվում: Մխիթարյանը ցանկություն է հայտնել ամռանը հեռանալ «Բորուսիա»-ից` այս մրցաշրջանի ավարտից հետո»,-«Արմենպրես»-ի հաղորդմամբ, Ռայոլայի խոսքերը մեջ է բերում Calciomercato.it կայքը:
Բունդեսլիգայի 18-րդ տուրի շրջանակում հյուրընկալվելով Լևերկուզենի «Բայեր»-ին` Դորտմունդի «Բորուսիա»-ն հանդիպումն ավարտեց 0-0 հաշվով:
Հայաստանի ֆուտբոլի ազգային թիմի անդամ Հենրիխ Մխիթարյանը մեկնարկային կազմում չէր և փոխարինման դուրս եկավ 60-րդ րոպեին:
Բաժանորդագրվեք մեր ալիքին Telegram-ում