Ռոբերտ Հովհաննիսյանը երրորդն էր Նոնա Գափրինդաշվիլու գավաթի մրցաշարում
13:02, 18 Սեպտեմբեր 2014
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատիստ Ռոբերտ Հովհաննիսյանը երրորդն էր թբիլիսյան շախմատային մրցաշարում:
Գրոսմայստեր Ռոբերտ Հովհաննիսյանը Թբիլիսիում ավարտված Նոնա Գափրինդաշվիլու գավաթում 9 հնարավորից վաստակեց 6,5 միավոր եւ 65 մասնակիցների մեջ նվաճեց երրորդ մրցանակը: 7,5 միավորվ մրցաշարի հաղթող դարձավ գրոսմայստեր Լուկա Պաիչաձեն (Վրաստան):
«Արմենպրես»-ի հաղորդմամբ, այս մասին տեղեկացնում է Armchess կայքը:
Գրոսմայստերներ Կարեն Գրիգորյանը, Ռոբերտ Հովհաննիսյանը, Լեւոն Բաբուջյանը, Հովիկ Հայրապետյանը եւ մի խումբ այլ հայ շախմատիստներ սեպտեմբերի 9-17-ը մասնակցում էին Թբիլիսիում անցկացվող Նոնա Գափրինդաշվիլու գավաթին:
Բաժանորդագրվեք մեր ալիքին Telegram-ում