Արարատ գյուղի բնակիչները հայտնաբերել են սահմանախախտի
ԱՐՏԱՇԱՏ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Արարատի մարզի Արարատ գյուղի բնակիչներ Կարո Դավթյանը եւ Ռաֆիկ Պետրոսյանը սեպտեմբերի 7-ի երեկոյան` խոտհարքի ժամանակ Սուրենավան եւ Արարատ գյուղերի սահմանամերձ տարածքում հայտնաբերել են սահմանախախտի եւ հանձնել ուղեկալի հրամանատարական կազմին: Ինչպես «Արմենպրես»-ին տեղեկացրեց մարզպետարանի աշխատակազմի տեղեկատվության եւ հասարակայնության հետ կապերի բաժնի գլխավոր մասնագետ Քրիստինե Խաչատրյանը, սահմանախախտի ազգությունը եւ անունը չի հրապարակվում` գաղտնիության սկզբունքներից ելնելով:
Հինգշաբթի օրը` սեպտեմբերի 11-ին, Արարատ գյուղում սահմանապահ ուղեկալի հրամանատարական կազմը, ինչպես նաեւ ՀՀ ազգային անվտանգության աշխատակիցները Արարատ գյուղի խիզախներին հանդիսավոր պայմաններում կներկյացնեն խրախուսանքի:
Կատարվում է հետաքննություն:
Լիլիթ Մաճկալյան
Բաժանորդագրվեք մեր ալիքին Telegram-ում